Germany hta Hkristu A Si Ai Myit Dum Poi hpe galaw nga
Hkaw Tsun Ladat Ni
T-30, Chyum Laika Hpe Nang Gara Hku Mu Mada Ai Rai?
Ga San: Anhte Chyum Laika hpe kam ga ai. Raitim, kalang lang anhte a prat hta Chyum Laika tsun ai hte maren n hkan galaw ai aten ni mung nga ai.
Chyum Daw: Shakawn 119:105
Garan: Ndai garan laika hta Chyum Laika tara ni hpe tatut hkan sa mai ai lam ni tsun dan da ai.
T-33, Mungkan Hpe Kadai Up Hkang Nga A Ta?
Ga San: Masha law malawng gaw ndai mungkan hpe Karai Kasang up hkang nga ai ngu shadu ma ai. Dai gaw jaw ai ngu nang shadu ai kun?
Chyum Daw: 1 Yawhan 5:19
Garan: Ndai garan laika hta n hkru ai wa gaw kadai re ai hte Karai Kasang shi hpe gara hku jahten kau na lam tsun dan da ai.
Myit Dum Poi Saw Shaga Laika
Garan: Grai ahkyak ai lamang hpe lung na matu, saw shaga laika wa jaw ai re. [Nta madu hpe saw shaga laika jaw u.] March 23 hta mungkan ting na masha wan law law gaw Yesu Hkristu A Si Ai Myit Dum Poi hpe lung na matu hkrum zup na re. Ndai lamang hta Yesu Hkristu si ai majaw anhte ni hpa akyu lu na ngu ai mungga hpe manu jahpu n jaw ra ai sha madat lu na re. Ndai saw shaga laika hta ahkying aten hte shara hpe madun da ai. Nang hpe mung sa lung na matu saw shaga ga ai.
Na A Hkaw Tsun Ladat Hpe Hkyen Lajang U
Na a hkaw tsun ladat hpe hkyen lajang na matu, shawng na laika man hta lawm ai hkaw tsun ladat ni hpe akyu jashawn u.