Chile hta Chyum Laika sharin ya nga
Hkaw Tsun Ladat Ni
yc-Ma Ni Hpe Sharin Achyin Ya U
Ga San: Kanu Kawa ni gaw tinang a kashu kasha ni hpe myitsu shangun mayu ma ai. Yesu a ma kaji prat kaw nna, Kanu Kawa ni gara hku sharin la mai ai kun? [Daw 10 a sumla hpe madun u.]
Chyum Daw: Luk. 2:51-52
Garan: Yesu zawn madat mara chye ai ma ni byin hkra ndai laika buk gaw karum ya na re.
Teng Man Ai Lam Hpe Sharin Ya U
Ga San: Anhte tsin-yam tsindam hkrum ai gaw Karai Kasang (sh) kaga lama ma a majaw kun?
Chyum Daw: Yob. 34:10
Teng Man Lam: Karai Kasang gaw tsin-yam tsindam byin hkra galoi mung n galaw ai. Tsin-yam tsindam hkrum ai gaw nhkru ai nat ni, masha ni lata wa ai n kaja ai lam hte n nga ging ai shara, n nga ging ai aten ni hta anhte du nga ai majaw re. Anhte tsin-yam hkrum ai shaloi, Karai Kasang gaw anhte hpe karum ya ai. Shi gaw anhte hpe teng sha lanu lahku nga ai.
Chyum Laika Hpe Hpa Majaw Hkaja Ra Ai Kun? (Video)
Ga San: Ndai mungkan hpe Karai Kasang uphkang nga ai ngu nang shadu ai kun? [Mahtai hpe la u.] Chyum Laika tsun ai hpe chye yang nang grai mau mat na re. Ndai video kadun gaw sanglang dan na re. [Video hpe madun u.]
Garan: Ndai laika buk a daw 11 hta, Karai Kasang gaw yak hkak ai lam hpe byin na ahkang hpa majaw jaw ai lam hte dai hte seng nna shi a yaw shada lam hpe tsun dan da ai. [Sharin Ya laika buk hpe garan u.]
Na A Hkaw Tsun Ladat Hpe Hkyen Lajang U
Na a hkaw tsun ladat hpe hkyen lajang na matu, shawng na laika man hta lawm ai hkaw tsun ladat ni hpe akyu jashawn u.