Karai Kasang A Ga Madat U​—⁠Jailang Mai Ai Lam

Karai Kasang A Ga Madat U ngu ai brochure gaw, laika nau n chye hti ai ni Chyum Laika a teng man ai lam hpe sharin la lu na matu re. Laika man lahkawng yan hta, sumla langai ngut yang gara sumla bai matut na hpe masen ai masat hte madun da ai.

Karai Kasang A Ga Madat Nna Htani Htana Asak Hkrung U brochure hta na sumla ni gaw, Karai Kasang A Ga Madat U hta lawm ai sumla hte maren raitim, laika grau law ai majaw laika loi chye hti ai Chyum ga sharin hte hkaja na matu re. Sharin ya ai wa gaw dai brochure hpe lang nna, Karai Kasang A Ga Madat U brochure hte hkaja ai wa hpe sharin ya mai ai. Laika man nkau mi hta, Chyum ga sharin a atsam hta hkan nna bawngban mai ai lawk langai lawm ai.

Ndai brochure hpe garan ai shata n rai yang pyi ayan garan mai ai. Chyum ga sharin ai shaloi, Chyum Laika hpe sumla ni hte sang lang dan u. Shi kade daram chye na ai hpe chye lu na matu, ga san ni san u. Laika man a jahtum na Chyum daw ni hpe hti nna bawngban u. Ndai brochure ngut ai hpang, Chyum Laika Anhte Hpe Hpa Sharin Ya Ai Kun? ngu ai laika buk hpe matut hkaja nna, na a Chyum ga sharin hkalup hkam wa ai du hkra karum ya mai ai.