HKRISTAN PRAT HKRUN LAM
Hkaw Tsun Bungli Hta Rawt Jat Hkra Galaw U—JW.ORG Hpe Akyu Jashawn Ai Lam
HPA MAJAW AHKYAK: Sharin Achyin Ya Lu Ai Hkingrai Ni hta lawm ai laili laika yawng gaw, jw.org hpe matsun ya ai. Dai hta n-ga, matut mahkai card hte Prat Hte Seng Ai Ga San Ni A Mahtai Ni Gara Kaw Nga A Ta? ngu ai garan laika a yaw shada lam gaw, anhte a website hpe matsun ya na matu re. Laili laika ni hpe electronic file hku nna link (sh) e-mail hte sa ya na matu, jw.org hpe lang mai ai. Laksan hku nna, kaga amyu ga shaga ai ni hpe sakse hkam ai shaloi, ndai ladat gaw grai akyu rawng ai. Dai hta n-ga, Sharin Achyin Ya Lu Ai Hkingrai Ni kaw na laili laika ni hta, mahtai n lawm ai ga san ni hpe masha ni san chye ai. Dai majaw, website hpe anhte atsawm akyu jashawn chye ai nga yang, hkaw tsun bungli hta grau nna rawt jat lu na re.
GALAW MAI AI LAM:
“CHYUM LAIKA SHARIN YA AI LAM NI” ngu ai hpe akyu jashawn u. Ga shadawn, ma ni hpe bau maka lu na lam ni hte seng nna, grau chye mayu ai kanu kawa ni hpe sakse hkam ai ngu saga. Rai yang, သမ္မာကျမ်းစာ သွန်သင်ချက်များ > အိမ်ထောင်ရေးနဲ့ မိသားစု ngu ai de sa u.
“LAILI LAIKA NI” ngu ai hpe akyu jashawn u. Jawng hta masat kaman sakse hkam lu hkra, jawng manang hpe Ramma Ni San Chye Ai Ga San 10 A Mahtai Ni ngu ai brochure hpe garan ya na ngu saga. Rai yang, LAILI LAIKA NI > LAIKA BUK NI ngu ai de sa u.
“ANHTE A LAM” ngu ai hpe akyu jashawn u. Anhte a kamsham ai lam hpe kadun dawk sang lang dan ai hpe hti mayu ai, bungli manang langai hpe sakse hkam na ngu saga. Rai yang, ANHTE A LAM > YEHOWA SAKSE NI HTE SENG NNA SAN CHYE AI GA SAN NI ngu ai de sa u.
JW.ORG HPE AKYU JASHAWN AI LAM, VIDEO HPE YU NGUT AI HPANG, LAWU NA NI HPE KARUM YA NA MATU, WEBSITE A GARA SHARA KAW TAM NA NGU AI HPE MYIT U:
karai nga ai hpe n kam ai wa
yakhkak jamjau hkrum nga ai langai ngai
wenyi lam hta katsi nga ai hpunau nauna ni
bai kawan langai gaw, alu gumhpraw hte anhte a bungli hpe gara hku galaw ai hpe chye mayu yang
kaga mungdan kaw na marai langai gaw, shi a mungdan hta zuphpawng sa lung mayu yang