HKRISTAN PRAT HKRUN LAM
Yesu Zawn Shagrit Shanem Ai Myit Madun U
Yesu gaw, asak hkrung ai ni yawng hta grau htum ai wa raitim, Yehowa hpe shagrau ai hku nna shagrit shanem ai lam madun wa ai. (Yhn 7:16-18) Shi hte n bung ai sha, Satan gaw “Sari jahpoi ai wa” ngu lachyum nga ai Nat byin wa ai. (Yhn 8:44) Meshia hpe kam ai ni hpe jahpoi asawng nna, gumrawng ai Hparishe ni hta Satan a myit jasat nga ai gaw dan dawng ai. (Yhn 7:45-49) Nawku hpung hta laksan ahkaw ahkang (sh) lit ni lu wa ai shaloi, Yesu hpe gara hku kasi la mai na kun?
“NANHTE SHADA DA TSAWRA NGA MU”—MANAWN MASHAM AI MYIT HTE SHAKAWNG AI MYIT HPE KOI U, DAW 1, NGU AI VIDEO HPE YU NNA LAWU NA LAM HPE BAWNGBAN U:
Naw San gaw, gara hku shakawng wa ai kun?
“NANHTE SHADA DA TSAWRA NGA MU”—MANAWN MASHAM AI MYIT HTE SHAKAWNG AI MYIT HPE KOI U, DAW 2, NGU AI VIDEO HPE YU NNA LAWU NA LAM HPE BAWNGBAN U:
Naw San gaw, shagrit shanem ai myit hpe gara hku madun wa ai kun?
Mung Awng hte Zau Seng hpe Naw San gara hku n-gun jaw wa ai kun?
“NANHTE SHADA DA TSAWRA NGA MU”—N HTAP HTUK AI ARAWN ALAI HTE GUMRAWNG GUMTAWNG AI MYIT HPE KOI U, DAW 1, NGU AI VIDEO HPE YU NNA LAWU NA LAM HPE BAWNGBAN U:
Hpunau Tu Ring gaw shagrit shanem ai lam gara hku n madun wa ai kun?
“NANHTE SHADA DA TSAWRA NGA MU”—N HTAP HTUK AI ARAWN ALAI HTE GUMRAWNG GUMTAWNG AI MYIT HPE KOI U, DAW 2, NGU AI VIDEO HPE YU NNA LAWU NA LAM HPE BAWNGBAN U:
Hpunau Tu Ring gaw, shagrit shanem ai lam gara hku madun wa ai kun?
Hpunau Tu Ring a kasi gaw, Bawk Ja hpe hpa sharin ya ai kun?