Gawng Shing-Yan Dingsa Hpe Raw Kau Nna, Gawng Shing-Yan Ningnan Hpe Dagraw Ra

3:5-14

Tengman ai lam hpe nang chye wa ai shaloi, galai shai ra ai lam law law hpe nang galaw wa ai kun? Nang shakut shaja ai hpe Yehowa sharawng awng na gaw teng sha re. (Eze 33:11) Raitim, gawng shing-yan dingsa a akyang ni n pru wa na matu, matut ninghkap ra nna gawng shing-yan ningnan hpe matut madun nga ra ai. Nang rawt jat ra ai lam ni hpe chye lu hkra, lawu na ga san ni hpe htai u:

• Marai langai ngai tinang hpe shut hpyit yang, nye a myit hta aten na na matsing da ai kun?

• Ngai grai pu ba nga ai (sh) grai kyin nga ai aten hta myit galu ai lam madun ai kun?

• N san seng ai myit mang lam ni nga wa yang, alawan mat mat hkra galaw ai kun?

• Kaga amyu bawsang (sh) mungdan ni hte seng nna, ngai hta n kaja ai hkamsha lam ni nga ai kun?

• Ya hte, marai langai ngai hpe ga ja ja tsun ai (sh) grai pawt ai lam ni nga wa ai kun?