Aga Gaw “Hka Nu Hpe Mayu Kau”

Labau hta shaning law law, mungkan uphkang du ni gaw Yehowa a masha ni hpe karum ya wa ai. (Ezr 6:1-12; Esa 8:10-13) Dai ni aten hta mung, “aga” hte bung ai mungkan a ahkaw ahkang nga ai ni gaw, Nat Satan re ai “baren numraw” shalwi dat ai “hka nu” hte bung ai zingri zingrat ai lam ni hpe mayu kau ya nga ai lam anhte mu lu ai. (Shr 12:16) “Hkye hkrang Ia ai Karai Wa” Yehowa gaw, shi a masha ni hpe makawp maga ya na matu, masha uphkang du ni hpe aten du yang shadut ya na re.​—Shk 68:20; Gsh 21:1.

Makam masham a majaw nang htawng jahkrat hkrum nga ai kun? Yehowa nang hpe yu nga ai lam galoi hkum malap. (Nin 39:21-23; Shk 105:17-20) Na a makam masham a majaw kumhpa lu na hpe kam u. Na a sadi dung ai lam gaw mungkan grup hpunau ni hpe n-gun jaw lu ai lam hpe mung kam u.​—Hpl 1:12-14; Shr 2:10.

KOREA HPUNAU NI HTAWNG KAW NA LAWT WA VIDEO HPE YU NNA, LAWU NA GA SAN NI HPE HTAI U:

• Shaning law law Dingda Korea hta, hpunau hkying hku hpa majaw htawng jahkrat hkrum ai kun?

• Gara tara dawdan lam a majaw, hpunau nkau gaw masat da ai hta jau nna lawt wa lu ai kun?

• Makam masham a majaw ya htawng rawng nga ai mungkan ting na hpunau ni hpe anhte gara hku karum ya lu ai kun?

• Ya anhte lu nga ai wanglu wanglang galaw lu ai ahkang hpe gara hku akyu jashawn ging ai kun?

• Anhte awng dang ai tara rung amu ni gaw, kade a majaw kun?