Ningshawng Galaw Nna Yehowa Hpe Shakawn

Israela ni gaw Yehowa hpe shakawn na lam law law nga ai. Shi gaw shanhte hpe Egutu mung kaw na shapraw la wa nna, Hpara-u a hpyen hpung ni a lata kaw na hkye la wa ai. (Pru 15:1, 2) Yehowa gaw shi a masha ni hpe matut nna mai kaja ai lam ni madun nga ai. Shi hpe chyeju dum ai lam anhte gara hku madun mai ai kun?​—Shk 116:12.

Aten kadun ningshawng (sh) aten galu ningshawng galaw ai hku nna re. Galaw mayu ai myit hte galaw lu na atsam jaw na matu akyu hpyi u. (Hpl 2:13) Law malawng gaw aten kadun ningshawng shawng galaw hpang ai. March hte April shata, ninghtawn hpung kawan sa kawan ai shata ni hta, hkying hkum 30 (sh) 50 galaw na matu lata mai ai. Aten kadun ningshawng galaw ai laman pyaw ai rai jang, aten galu ningshawng matut galaw na matu shakut u. Kan bau bungli hpe aten hpring galaw ai ni (sh) hkamja lam nau n nga ai ni pyi, aten galu ningshawng galaw mai ai. (mwb16.07 8) Yehowa hpe shakawn na matu, anhte shakut ai lam yawng hpe shi manu shadan ai!​—1Hl 16:25.

MUN-GULIYA KAW NA YAN NAU MASUM VIDEO HPE YU NNA, NDAI GA SAN NI HPE HTAI U:

• 

  Ningshawng galaw hpang wa ai shaloi, gara mayak mahkak ni hpe shanhte hkrum wa ai kun?

• 

  Gara shaman chyeju ni lu wa ai kun?

• 

  Aten galu ningshawng galaw ai majaw, gara ahkaw ahkang nnan ni lu wa ai kun?

• 

  Shanhte a kasi ningli gaw kaga ni hpe gara hku akyu jaw ai kun?