Na A N-gun Atsam Hte Aten Hpe Alu Jaw Na Kun?

Myihtoi Esaia tau hkrau tsun wa ai hte maren, Yehowa uhpung a ginding aga daw gaw, grau grau rawt jat nga ai hpe mu lu ai. (Esa 54:2) Dai majaw, Nawku Htingnu nnan ni, Zuphpawng Kaba Htingnu ni hte Behtela nta ni hpe grau gawgap ra wa ai. Gap da ngut chyalu ni hpe mung matut yu lajang ra ai, nkau mi hpe gaw bai gram lajang ra ai. Dai majaw Yehowa hpe anhte a n-gun atsam hte aten hpe alu jaw lu ai gara ahkaw ahkang ni nga wa ai kun?

• Nawku Htingnu jasan jaseng na matu, tinang lit ang yang shang lawm mai ai

• Nawku Htingnu yu lajang ai hte seng ai sharin hpawng hta shang lawm mai ai

• Tinang a buga hta galaw ai gawgap lamang hte gram lajang lamang ni hta karum lu na matu, Buga Gawgap Shawang Lit Gun Sawk Shawn Laika (DC-50) hpe shawk shawn mai ai

• Shawang Lit Gun Shawk Shawn Laika (A-19) hpe shawk shawn nna, Behtela (sh) Behtela hte matut mahkai nga ai bungli ni hpe, bat mi (sh) dai hta grau nna shawang lit gun mai ai

Gawgap Lamang Nnan Hpe Galaw Nga​—Kadun Video Hpe Yu Nna, Lawu Na Ga San Ni Hpe Htai U:

• 2014 ning kaw nna video ni hpe gara hku grau nna akyu jashawn wa ai kun?

• Video ni grau shapraw ra wa ai majaw, gara lamang ni galaw wa ai kun? Galoi aten hta hpang nna, galoi aten hta ngut na kun?

• Dai lamang hpe shawang lit gun ni gara hku karum ya mai ai kun?

• Ramapo mare kaw na gawgap lamang hta karum mayu yang, hpa majaw DC-50 hpe shawk shawn nna, tinang a nta hte ni ai buga gawgap lamang ni hta karum ging ai kun?

• Ndai lamang hpe Yehowa lam madun ya nga ai hpe gara lam gaw madun nga ai kun?

• Dai gawgap lamang hta tinang nan n shang lawm lu tim, gara hku madi shadaw ya mai ai kun?