KARAI A MUNGGA KAW NA SUT GAN NI | JAW JAU 4-5

Yehowa Hpe Kaja Htum Jaw U

5:5-7, 11

Israela part hta matsan ai ni raitim, Yehowa hte simsa lam lu mai ai. Shanhte nawng ai hkungga gaw kaja ai nga yang, Yehowa hkap la ai. Manam ni hpe daw ai, kaja ai muk shadung hpe, shanhte nawng mai ai. Yehowa mung hkap la ai. (Nin 18:6) Dai ni aten mung anhte sak jaw lu ai lam gaw, shadawn sharam sha raitim, kaja htum “shakawn kungdawn hkungga” rai yang, Yehowa hkap la ai.—Heb 13:15.

Hkamja lam n nga ai, n-gun atsam n nga wa ai majaw, moi galaw ai daram n lu galaw yang, ndai lam gaw nang hpe gara hku n-gun lu shangun ai kun?

Sumla: Nauna lahkawng gaw Yehowa hpang de ‘shakawn hkungga’ hpe kaja htum jaw nga. 1. Kaga amyu ga shaga ai lawk hta magam gun nga ai nauna langai gaw gat hta num langai hte ga shaga nga. 2. Asak kaba ai nauna langai gaw shi a nta kaw nna laika ka let sakse hkam.