Na A Dinghku Hpe Makawp Maga U

Yehowa gaw hkungran ga sadi hpe grai ahkyak ai ngu mu ai. Dai hta n-ga, madu jan hte madu wa gaw hkum shan langai sha rai ra ai ngu nna mung tsun da ai . (Mat 19:5, 6) Karai a amyu masha ni a lapran hta kasi kaja ai dinghku law law nga ai. Raitim, hkum tsup ai dinghku ngu ai gaw n nga ai. Manghkang ni gaw pru wa na sha re. Yanla ni gaw manghkang ni byin wa ai shaloi, masha law law myit ai zawn, garan nga ai (sh) jahka kau ai gaw kaja htum re ngu n mai myit la ai. Hkristan ni gaw shanhte a dinghku hpe gara hku makawp maga lu na kun?

Ahkyak ai lam 5 hpe yu yu ga.

1. Dinghku hpe gawngkya shangun chye ai, sawse lawk lek ai hte akyang hten ai shangwi shapyaw lam ni hpe koi ai hku nna myit masin hpe makawp maga u.​—Mat 5:28; 2Pe 2:14.

2. Karai Kasang hte na a hku hkau lam hpe shangang shakang nna, Yehowa a sharawng awng ai hpe grau lu mayu ai myit nga hkra galaw u.​—Shk 97:10.

3. Gawng shingyan ningnan bu hpun nna, kaji kajaw lam ni hta pyi tsawra myit madun nna, ningrum ningtau grau nga manu hkra galaw u.​—Kol 3:8-10, 12-14.

4. Shada da matut hkungga u, atsawm tsun shaga u.​—Kol 4:6.

5. Num la kanawn mazum ai shaloi tsawra myit madun u.​—1Ko 7:3, 4; 10:24.

Hkristan ni gaw dinghku hpe shagrau ai rai jang, dinghku hpe nnan hpang da ya ai Yehowa hpe shagrau nga ai re.

“SHAKUT SHARANG LET” GAT RA AI​—SHINGJAWNG POI TARA NI HPE HKAN SA U VIDEO HPE YU NNA, LAWU NA GA SAN NI HPE SAN U:

• 

  Dinghku hpe ngwi pyaw let hpang da tim, hpa mayak mahkak ni pru wa chye ai kun?

• 

  Dinghku hta tsawra myit kawp wa ai ngu hkamsha ai ni hpe, Chyum Laika npawt tara ni gaw gara hku karum ya lu ai kun?

• 

  Yehowa gaw dinghku a matu gara tara ni hpe jahkrat da ai kun?

• Awng dang ai dinghku byin na matu, ningrum ningtau ni hpe hpa hpyi shawn da ai kun?