KARAI A MUNGGA KAW NA SUT GAN NI

Yehowa Gaw Shi A Masha Ni Hpe Hpawng De

[Bu Hkawm Laika Hpe Shachyen Ya Ai Lam video hpe madun u.]

Israela ni a dap hpe amyu lakung masum hpra hte garan da (Bhk 1:52, 53; w94-BU 12/1 9 ¶4)

Israela dap hta masha yawng hpawn 3,000,000 (sh) dai hta jan (Bhk 2:32, 33; it-1-E 397 ¶4)

Yehowa gaw shi a amyu masha ni hpe htuk ai hte jaw hkrak ai hku nawku shangun mayu ai. Israela aten hte daini na aten hta mung dai hte maren re.—1Ko 14:33, 40.

Israela dap ni a shara jahkrat ai sumla hpe ntsa kaw na mu lu. Sumpan sum gaw ka-ang hta nga. Sumpan sum hte ni dik htum shara kaw Lewi kun dinghku ni nga ai: Sinpraw de Arun, dingdung de Kohat lakung, sinna de Gershon lakung hte dingda de Merari lakung nga ai. Israela amyu lakung 12 nga ai. Sinpraw de Yisahka, Yuda hte Zebulun ni nga ai. Dingda de Gad, Rubin hte Simun ni nga ai. Sinna de Benyamin, Ehprim hte Manashe ni nga ai. Dingdung de Naphtali, Dan hte Ashe ni nga ai.

TINANG HKUM TINANG SAN U, ‘Yehowa a uhpung hpe tsep kawp madi shadaw ai lam gara hku madun mai ai kun?’