Akyu Hpyi Nna Yehowa Karum Ya Ai Hpe Hkap La U

Yehowa gaw, masha langai a myit masin hta teng man ai tara nli langai ru jung nna kaba wa hkra galaw ya ai. (1Ko 3:6-9) Dai majaw, hkaw tsun bungli hta awng dang na matu, anhte hte chyum ga sharin ni hpe karum ya na matu, Yehowa hpe kamhpa ging ai.

Mayak mahkak ni hpe chyum ga sharin ni tawt lai lu na matu hte shadut hkrum ai ni hpe hkamjan lu na matu Yehowa hpe karum hpyi u. (Hpl 1:9, 10) Laksan akyu hpyi u. Myit ai lam hte galaw hkawm sa lam hpe matsun ya na matu, chyoi pra ai wenyi hpyi shawn u. (Luk 11:13) Chyum ga sharin ni hpe gara hku akyu hpyi ra na hpe sharin ya nna, dai hte maren akyu hpyi na matu n-gun jaw u. Chyum ga sharin ni hte akyu hpyi ai shaloi, shanhte a mying hpe tsun shalawm u.

SAPE SHATAI AI BUNGLI GAW KABU GARA SHANGUN​—YEHOWA A KARUM YA AI LAM HPE HKAP LA U​—AKYU HPYI AI, VIDEO HPE YU NNA LAWU NA GA SAN NI HPE HTAI U:

• Jik hte chyum ga sharin ai shaloi, gara mayak mahkak hpe Nita hkrum wa ai kun?

• 1 Korinhtu 3:6 gaw Nita hpe gara hku karum ya ai kun?

• Mayak mahkak hpe Nita gara hku hparan wa ai kun?