HKRISTAN PRAT HKRUN LAM
Na A Online Manang Ni Gaw Kadai Ni Kun?
Manang ngu ai hpe “shada da tsawra ai (sh) hkungga ai” ngu lachyum hpaw da ai. Ga shadawn, Goliat hpe Dawi sat kau ai hpang, Yawnahtan yan Dawi gaw ngang grin ai hku hkau lam nga wa ai. (1Sa 18:1) Kaga masha ni mung shi hpe tsawra ai lam madun wa ai. Dai majaw ngang kang ai hku hkau lam ngu ai gaw, tup hkrak teng man ai machye machyang hta madung ai. Marai langai ngai a lam hpe atsawm chye na matu, aten jaw nna shakut shaja ra ai. Raitim, shawa matut mahkai (social network) hta lata hte kahtawk dat ai hte “manang” law law lu mai ai. Hpa majaw nga yang, online kaw na masha ni gaw shanhte tsun na lam ni hpe tau hkrau shajin da nna, kaga ni a ningmu ni hpe hkang da lu ai. Shanhte teng sha kadai re ai hpe ip da na matu mung loi ai. Dai majaw, online hta manang hkap la ai shaloi shanhte gaw gara zawn masha ni re ai hpe atsawm sadi maja ra ai. Tinang atsawm n chye ai masha ni gaw, manang galaw na matu hpyi shawn ai (friend request) hpe n hkap la ai majaw, shanhte myit n pyaw mat na hpe hkum tsang. Nkau mi gaw shoihpa nga ai ngu mu mada nna, shawa matut mahkai hpe n lang na matu dawdan ai. Lama na nang gaw shawa matut mahkai hpe lang ai rai yang, hpa hpe myit hta bang da ra ai kun?
SOCIAL NETWORK HPE HPAJI RAWNG AI HKU LANG U VIDEO HPE YU NNA, LAWU NA GA SAN NI HPE HTAI U:
Sumla ni hte laika ni ka mara ai shaloi hpa hpe myit ging ai kun?
Online manang ni hpe hpa majaw atsawm lata ging ai kun?
Social network lang ai aten hpe hpa majaw masat da ging ai kun?—Ehp 5:15, 16