Yehowa Hte Yesu Hpe Kamsham Ai Lam Gawgap Na Matu Htani Htana Ngwi Pyaw Ai Prat! Hpe Lang U

Chyum ga sharin ni makam masham ngang kang wa na hpe Karai ra sharawng ai. (Heb 11:6) Htani Htana Ngwi Pyaw Ai Prat! laika buk hte shanhte hpe karum ya lu ai. Ndai hkaja laika buk hta, madung chyum daw ni, asan sha sanglang da ai lam ni, tang du ai ga san ni, n-gun jaw ya lu ai video ni hte grai tsawm ai sumla ni lawm ai. Chyum ga sharin ni Karai Kasang hte hku hkau nna, Hkristan atsam ningja ni rawt jat wa hkra karum ya ai gaw, wan hpe dang hkam ai arai ni hte anhte gawgap ya nga ai re.​—1Ko 3:12-15.

Masha nkau mi gaw, n mu lu ai Karai Kasang hte jinghku byin lu ai ngu ai hpe shingran yu na matu yak ai. Dai majaw, shanhte Karai Kasang hpe chye wa nna kamsham wa hkra anhte karum ya ra ai.

YEHOWA HPE KAMSHAM AI LAM GAWGAP NA MATU “HTANI HTANA NGWI PYAW AI PRAT!” HPE LANG U VIDEO HPE YU NNA LAWU NA GA SAN NI HPE HTAI U:

• Chyum ga sharin a matu nauna atsawm hkyen lajang da ai hpe gara hku chye lu ai kun?

• Esaia 41:10, 13 hte seng nna Chyum ga sharin a hkamsha lam hte myit ai lam ni hpe tsun dan wa hkra atsawm lata da ai ga san ni hpe gara hku lang wa ai kun?

• Video hte chyum daw ni gaw chyum ga sharin hpe gara hku akyu shabyin ya ai kun?

Masha law law gaw gawng malai jahpu a lam hpe n chye na ai (sh) dai gaw shanhte hpe Karai Kasang jaw ai kumhpa re ai ngu nna n mu ma ai. (Gal 2:20) Dai majaw, Yesu a gawng malai jahpu hpe shanhte grau kamsham wa hkra karum ya ra ai.

YESU HPE KAMSHAM AI LAM GAWGAP NA MATU “HTANI HTANA NGWI PYAW AI PRAT!” HPE LANG U VIDEO HPE YU NNA LAWU NA GA SAN NI HPE HTAI U:

• Chyum ga sharin a matu hpunau atsawm hkyen lajang da ai hpe gara hku chye lu ai kun?

• Chyum ga sharin hpe karum ya na matu “Sawk Sagawn” ngu ai hta na lam ni hpe masa hta hkan nna gara hku lang mat wa ai kun?

• Akyu hpyi ai gaw chyum ga sharin a matu hpa majaw ahkyak ai kun?