KARAI A MUNGGA KAW NA SUT GAN NI

Magri Shadaw Lahkawng Kaw Na Sharin La Lu

Nawku htingnu shang wa chyinghka hta masha ni aloi sha mu lu ai magri shadaw lahkawng galaw da (1Hk 7:15, 16; w13-BU 12/1 13 ¶3)

Magri shadaw ni hpe lachyum hpring ai mying jaw da (1Hk 7:21; it-1-E 348)

Yehowa gaw shi hpe kamhpa nga dingsa, nawku htingnu hpe “ngang ngang shagrin na” matu masha ni hpe karum ya (1Hk 7:21, NWT, jahtum matsing; Shk 127:1)

Tengman ai lam de du wa hkra, mayak mahkak ni hpe tawt lai lu hkra, anhte hpe Yehowa karum ya wa ai. Raitim, “makam masham hta dakring dalang tsap nga” lu na matu, matut nna Yehowa hpe kamhpa nga ra ai.—1Ko 16:13.

Sumla: 1. Gat hta, num kasha langai gaw nauna langai kaw na “Htani Htana Ngwi Pyaw Ai Prat!” brochure hpe hkap la nga. 2. Dai num gaw, nta hta “Htani Htana Ngwi Pyaw Ai Prat!” brochure hpe hti let, shi a hkayawm lu ai akyang hte seng nna atsam myit yu nga. 3. Shi hkalup hkam.

TINANG HKUM TINANG SAN U, ‘Yehowa hpe kamhpa ai lam ngai gara hku madun na?’