KARAI A MUNGGA KAW NA SUT GAN NI

Ningrum Ningtau Hpe Hpaji Rawng Ai Hku Lata U

Shut shai ai karai ni hpe nawku ai num ni hpe Shawlumon gaw hpaji n rawng ai sha hkungran wa (1Hk 11:1, 2; w18.07 16 ¶7)

Shawlumon a madu jan ni gaw Yehowa hte tsan mat hkra shi hpe galaw wa (1Hk 11:3-6; w19.01 15 ¶6)

Yehowa gaw Shalumon hpe masin pawt wa (1Hk 11:9, 10; w18.07 17 ¶9)

Sumla: Nauna langai gaw tinang hkrai Chyum Laika hkaja let, hpunau langai a lam hpe myit nga. 1. Zuphpawng hta mahtai jaw nga ai hpunau langai. 2. Shi gaw shawa hpawng man sakse hkam ai hta lawm nga. 3. Nawku Htingnu gram lajang ai hta karum ya nga.

“Karai Wa hpe dum ai hte sha” hkungran na matu, Hkristan ni hpe Chyum Laika hta hpaji jaw da ai. (1Ko 7:39) Raitim, hkalup hkam da ai daram hte sha, htap htuk ai wa re ngu na gaw n mai tsun ai. Yehowa hpe myit masin mahkra hte nang dawjau lu na matu shi karum ya lu na kun? Yehowa hpe myit masin mahkra hte tsawra ai wa rai kun? Hkungran na matu myit n hkrum shi yang, shi a lam atsawm chye hkra aten la nna myit u.