Hkungran Ai Lam​—Prat Tup Na Ningrum Ningtau

Ngwi pyaw ai Hkristan dinghku ni gaw Yehowa hpe shagrau nna, madu jan, madu wa hpe ngwi pyaw shangun ai. (Mrk 10:9) Ngang grin nna ngwi pyaw ai dinghku byin na matu, ningrum ningtau lata ai hta Hkristan ni gaw Chyum Laika npawt tara ni hpe htep lahti hkan sa ra ai.

Ningrum ningtau hpe tam mu na matu, hkum shan myit grai rawt ai “ram prat lai” ai aten du hkra la na matu ahkyak ai. (1Ko 7:36) Karai Kasang hte hku hkau lam shangang shakang na matu, Hkristan atsam ningja ni rawt jat na matu, mahkawn shabrang prat hte aten na na nga ai gaw hpaji rawng ai. Dai gaw, ngwi pyaw ai dinghku gawgap lu shangun na re.

Marai langai ngai hpe hkungran na matu ga sadi n jaw shi yang, “myit masin hta makoi nga ai masha” hpe chye hkra aten la u. (1Pe 3:4) Ntsen ai lam nga wa yang, dai lam hpe shi hte bawngban u. Masha shada kanawn mazum ai lam zawn sha, hkungran ai lam hta mung tinang lu na hta na, jaw ai baw rai ging ai. (Hpl 2:3, 4) N hkungran shi yang Chyum Laika npawt tara ni hpe hkan sa na nga yang, ngangkang nna ngwi pyaw ai dinghku hpe gawgap lu na re.

HKUNGRAN NA MATU HKYEN LAJANG AI LAM​—DAW 3: “HKRAT ANG AI JAHPU HPE SHAWNG SAWN YU U” VIDEO HPE YU NNA, LAWU NA GA SAN NI HPE HTAI U:

• Nauna hte Shen a hku hkau lam gara hku kun?

• Shi a lam grau chye wa ai majaw, nauna hpa hpe sadi hkrup wa ai kun?

• Nauna a kanu kawa gaw gara hku karum ya ai kun? Gara hpaji rawng ai dawdan lam hpe nauna jahkrat wa ai kun?