HKRISTAN PRAT HKRUN LAM
Karai A Mungga Hpe Kam Ai Myit Ngang Kang Hkra Galaw U
Karai a Mungga gaw anhte a prat hpe galai shai ya lu ai. (Heb 4:12) Raitim, Chyum Laika lam matsun hte hpaji jaw ga ni kaw na akyu lu la na matu, “Karai Kasang a mung ga” hpe kam ra ai. (1Ht 2:13) Chyum Laika hpe kam ai myit ngang kang hkra gara hku galaw lu ai kun?
Shani shagu chyum daw nkau hpe hti u. Hti ai shaloi Chyum Laika a Madu gaw Yehowa re ngu ai sakse hpe tam u. Ga shadawn, Ga Shagawp Laika hta lawm ai hpaji jaw ga ni hpe myit sawn sumru nna, gara hku tatut hkan sa lu na hpe myit yu u.—Gsh 13:20; 14:30.
Hkaja ai lam galaw hpang u. Chyum Laika hpe chyoi pra ai wenyi hte ka da ai ngu ai sakse ni hpe atsawm chye hkra galaw u. Yehowa Sakse Ni A Matu Hkaja Lam Matsun laika buk a ginlam ni ngu ai hta “Chyum Laika” ngu ai ga baw npu kaw na, “Karai Kasang Shung Ya Ai” lam hpe yu u. Chyum Laika Hkaja Lam Matsun (Myen) laika hpe myit sawn sumru ai hku nna, Chyum Laika hta lawm ai shiga ni gaw, n galai shai ai ngu ai na a makam masham hpe mung, ngang kang hkra galaw mai ai.
HPA MAJAW ANHTE . . . KARAI A MUNGGA HPE KAM AI KUN? VIDEO HPE YU NNA LAWU NA GA SAN NI HPE HTAI U:
Egutu mung, Kanak nawku htingnu a shakum hta mu lu ai lam gaw, Karai a Mungga gaw teng man ai ngu ai hpe gara hku shagrin ya ai kun?
Chyum Laika a shiga gaw n galai shai ai ngu ai hpe gara hku chye lu ai kun?
Dai ni aten du hkra Chyum Laika nga taw ai lam gaw, Chyum Laika gaw Karai a Mungga re ai hpe gara hku sakse madun nga ai kun?—Esaia 40:8 hpe hti u