HKRISTAN PRAT HKRUN LAM
Chyam Dinglik Lam Ni Hkrum Ai Ten Yehowa Karum Ya
Ndai jahtum nhtoi ni laman, grai yak ai chyam dinglik lam law law hpe anhte hkrum na re. Kalang lang, chyam dinglik lam ni hpe hkamjan na matu grai yak ai ngu na hkamsha na re. Raitim, Yehowa hte matut na nihtep taw ai nga yang, yawn hpa mabyin ni hkrum tim pyi hkamjan lu hkra shi karum ya na re. (Esa 43:2, 4) Chyam dinglik lam ni hkrum nga ai shaloi Yehowa hte gara hku nihtep lu na kun?
Akyu hpyi ai. Anhte a hkamsha lam hpe Yehowa hpe mahkra tsun dan na nga yang, simsa lam jaw na, hkamjan lu na n-gun atsam jaw na re.—Hpl 4:6, 7; 1Ht 5:17.
Zuphpawng Ni. Zuphpawng ni hta Yehowa lajang da ya ai wenyi malu masha hte shada da kanawn mazum lam ni hpe shawoi hta grau nna anhte ra ai. (Heb 10:24, 25) Zuphpawng ni a matu hkyen lajang ai, shang lawm ai nga yang chyoi pra ai wenyi a karum shingtau lam hpring tup lu na re.—Shr 2:29.
Hkaw tsun bungli. Hkaw tsun bungli hta galaw lu ai lam yawng hpe galaw taw ai nga yang, kaja ai lam ni hpe myit maju jung na matu loi wa na re. Yehowa hte mung hpunau nauna ni hte mung hku hkau lam ngang kang wa na re.—1Ko 3:5-10.
YEHOWA NANG HPE HKAP LA NA RE, VIDEO HPE YU NNA LAWU NA GA SAN NI HPE HTAI U:
Chyam dinglik lam ni hkrum nga ai shaloi Yehowa hte nihtep lu hkra Ma-lu hpe hpa gaw karum ya ai kun?
Ma-lu zawn chyam dinglik lam ni hkrum nga ai shaloi, Shakawn Kungdawn 34:18 hta lawm ai ga ni gaw anhte hpe gara hku n-gun jaw ya lu ai kun?
Anhte chyam dinglik lam ni hkrum yang, Yehowa gaw “chyahtum chyalai re ai n-gun atsam” jaw na ngu ai hpe, Ma-lu a mahkrum madup gaw gara hku madun ai kun?—2Ko 4:7