HKRISTAN PRAT HKRUN LAM

Nawku Htung N Nga Ai Ni Hpan Madu Hpe Chye Wa Hkra Karum Ya U

Nawku htung n nga ai ni hpe sakse hkam na matu htingnut ga ai kun? Atsawm bai htang na n re ngu nang myit ga ai kun? Rai yang, Karai kata ai ni hte hpawn, nawku htung n nga ai masha law law gaw, Yehowa Sakse byin wa ai hpe dum u. Karai Kasang nga ai madi madun lam hpe san jep na matu shanhte hpe karum ya ra ai.—Rom 1:20; 10:14.

N KAM SHAM AI NI MUNG KAM SHAM WA AI HPE DUM U!—NAWKU HTUNG N NGA AI NI VIDEO HPE YU NNA, LAWU NA GA SAN HPE HTAI U:

Nawku htung n nga ai ni hpe sakse hkam ai shaloi kaja ai ningmu nga na matu Tomaso a mahkrum madup gaw gara hku karum ya ai kun?

Na mahtai

Galaw mai ai lam

Karai Kasang hpe n kam ai ngu marai langai ngai tsun wa yang, shi a ningmu hte hkamsha lam hpe myit madung hte myit lawm ai lam madun u, hpaji rawng u, tsawra myit madun u. (2Tm 2:24) Shi myit lawm na lam ni hpe bawngban u. Hpan Madu nga ai madi madun lam hpe bawngban mayu ai myit nga ai kun? Rai yang, dai lam ni lawm ai laili laika ni, video ni hpe akyu jashawn u. Hkrung Mahkrung Gaw Hpan Da Hkrum Ai Kun? (Myen) hte Asak A Npawt—San Ging Ai Ga San Manga (Inglik) brochure ni hpe aloi sha lang lu hkra Sharin Achyin Hkingrai Ni hta bang da ya ai.

Karai Kasang hpe n kam ai marai langai ngai hte tengman lam bawngban na matu nnan hta htingnut chye ai. Mahkrum madup nga ai hkaw tsun masha hpe karum hpyi u. Myit ding man ai ni gaw, shawng nnan hta Hpan Madu nga ai hpe n kam ai nga yang pyi, shanhte a salum de du hkra tsun dan chye na matu, anhte hpe Yehowa karum ya lu ai hpe dum u.—Kas 13:48.