Mani Sumsai Myiman A Majaw

HPILIPAI mungdan, Bagiyo mare na lam langai hta, num lahkawng lam hkawm wa ai. Masha hpawng man sakse hkam ai leng hpe sadi hkrup tim, makau de gaw n sa ai. Leng makau hta tsap nga ai nauna Helen gaw, shan hpe mani sumsai hte mani dan ai. Numsha ni gaw tinang lam tinang matut hkawm mat tim, nauna a alum ala mani dan ai hpe gaw matsing mat ai.

Hpang hta, dai numsha ni mawdaw jawn nna nta wa ai shaloi, jw.org ngu nna ka shakap da ai Nawku Htingnu hpe mu dat ai. Mi yet sakse hkam leng makau hta mu wa ai laika ga si re ai hpe matsing mat nna, shan yan gaw mawdaw kaw na yu mat ai. Nawku Htingnu a chyinghka hta shakap da ai nawku hpung a zuphpawng galaw ai lamang hpe sa yu ai.

Dai bat hta galaw ai zuphpawng langai hpe sa lung ai. Nawku Htingnu de shang wa ai shaloi, Helen hpe mu dat ai majaw grai mau mat ai. Shanhte hpe mani sumsai hte mani dan wa ai num re ai hpe kalang ta matsing mat ai. “Ngai hpang de shanhte hkawm wa ai hpe mu ai shaloi, ngai lama ma shut tawn da sam sai ngu nna grai myit kahpra mat ai” ngu nna Helen tsun ai. Numsha yan gaw, Helen hpe shawa man sakse hkam ai leng makau hta mu ga ai ngu tsun ai.

Numsha lahkawng gaw, zuphpawng lamang hte kanawn mazum ai lam hpe grai ra sharawng mat ai. Zuphpawng ngut nna kaga ni san seng ai lam galaw nga ai hpe mu ai shaloi, jawm karum ya ra na kun? ngu nna san ai. Marai langai gaw, ya Hpilipai kaw n nga sai. Kaga langai gaw zuphpawng ni hpe lung hpang wa nna, Chyum Laika hkaja nga sai. Dai ni yawng gaw, mani sumsai myiman a majaw hpang wa ai re.