Nang Matsing Ai Kun?

Ndai shaning laman shapraw ai Sin Langchyi ni hpe nang atsawm hti wa ai kun? Lawu na ga san ni hpe lu htai ai kun? ngu ai hpe chyam yu u:

Yehowa hte ga shaga na matu, Shi tsun ai hpe madat na matu, Shi a lam myit sawn sumru na matu aten jaw na nga yang hpa akyu ni lu na kun?

Kaja ai dawdan lam ni jahkrat lu wa na, tang du hkra sharin ya lu ai wa byin wa na, makam masham ngangkang wa na, Yehowa hpe tsawra ai myit law htam wa na re.​—w22.01, pp. 30-31.

Yehowa hte shi a dat kasa ni hpe kam yang anhte gara hku akyu lu na kun?

Ya aten gaw, myitsu salang ni a lam matsun hte dawdan lam ni hpe ntsen ai myit nga ra na aten n re ai sha, Yehowa galaw ai lam ni hpe kam na matu sharin la ra na aten re. Ru tsang kaba du wa ai shaloi, laklai ai (sh) lachyum n rawng ai zawn re ai lam matsun ni lu wa tim pyi, madat mara na matu jin jin rai nga na re.​—w22.02, pp. 4-6.

‘[Munggyi] Zerubabela lata na dai shadawn sumri’ a lam hte seng nna Zehkaria hpe lamu kasa tsun ai gaw hpa majaw kun? (Zeh 4:8-10)

Karai a masha ni gap nga ai nawku htingnu gaw Karai a tsang madang ni hte maren ngut kre na ngu ai hpe shingran gaw kam shangun ai.​—w22.03, pp. 16-17.

Gara hku nna “tsun ai ga hte . . . kasi kamang tai nga” lu ai kun? (1 Tm 4:12)

Anhte a hkaw tsun magam hta, tsawra myit hte hkungga let tsun shaga ai, myit masin mahkra hte mahkawn hkawn ai, zuphpawng ni hta mahtai ayan jaw ai, jaw ai ga tsun ai, kaga ni hpe shangang shakang ya ai, shoihpa nga ai shatan ga ni hpe koi ai.​—w22.04, pp. 6-9.

Daniela daw kaba 7 hta lawm ai matse labye mali (asuya ni) a masat dingsat ni gaw, Shingran 13:1, 2 hta, matse labye langai hku nna hpa majaw pawng mat ai kun?

Shingran 13 hta lawm ai dusat gaw, Roma zawn re ai laksan mungdan langai hpe sha tsun mayu ai n re. Dai dusat gaw, masha ni hpe uphkang wa ai asuya ni yawng hpe malai tsun mayu ai re.​—w22.05, p. 9.

Karai a tara rap ra ai lam hpe kam ai lam madun lu ai lam langai gaw hpa rai kun?

Marai langai ngai anhte hpe nkaw nlaw di ai, shut hpyit ai (sh) ninghkap ai nga yang, masin n pawt na matu hte myit n machyi nga na matu, masa lam ni hpe Yehowa a lata hta ap da na matu shakut ai. Mara a majaw hkra machyi ai lam ni hpe Yehowa bai shading sharai ya na re.​—w22.06, pp. 10-11.

Zuphpawng hta akyu hpyi na matu lit ang ai hpunau gaw hpa hpe dum ging ai dun?

Akyu hpyi ai aten gaw, sharin achyin ya ra na aten, lama ma hpe shana ya ra na aten n re. Laksan hku nna, hpawng hpaw akyu hpyi ai shaloi, “galu galang” n hpyi ging ai. (Mat 6:7)​—w22.07, pp. 24-25.

“N shawp ai lam hkan galaw ai ni gaw,” gara lam hku nna “tara daw dan hkrum ai a bai rawt ai de” hkrung rawt wa na kun? (Yhn 5:29)

Lai wa sai aten hta galaw wa ai lam ni a ntsa madung nna jeyang ai hpe tsun mayu ai n re. Hkrung rawt ngut ai hpang, shanhte a lailen, myit jasat ni ntsa madung nna dawdan hkrum na re.​—w22.09, p. 18.

1922, September shata na ginwang zuphpawng hta Hpunau Radahpawt gaw, myit kahpra let hpa hpe shadut ya mat ai kun?

“Hkawhkam uphkang nga sai! Nanhte gaw ndau shana ai lam a dat kasa ni re. Dai majaw, Hkawhkam hte Mungdan hpe ndau shana u, ndau shana u, ndau shana u” ngu nna Amerikan mungdan, Ohio, Sida Point hta galaw ai zuphpawng kaba hta shadut ya mat ai.​—w22.10, pp. 3-5.

Hkamjan lu hkra Karai Kasang karum ya ai gara lam 3 hpe Esaia daw kaba 30 hta madun da ai kun?

Ndai daw kaba hta Shi gaw, (1) akyu hpyi ga ni hpe atsawm madat nna htai ai lam, (2) lam matsun jaw ai lam, (3) ya mung, htawm hpang hta mung, shaman chyeju jaw ai lam ni hpe madun da ai.​—w22.11, p. 9.

Shakawn 37:10, 11, 29 hta lawm ai ga ni gaw, moi aten hta hpring tsup wa nna, htawm hpang hta mung hpring tsup wa na ngu anhte hpa majaw sawn la mai ai kun?

Dawi a ga ni gaw, Shawlumon uphkang ai zawn re ai aten laman, Israela hta shaman chyeju lu wa ai masa ni hpe madun da ai. Yesu gaw htawm hpang hparadisu a lam tsun wa nna, daw kaji 11 hpe lakap wa ai. (Mat 5:5; Luk 23:43)​—w22.12, pp. 8-10, 14.