Sawk Sagawn Na Matu Hpaji Jaw Ga

Chye Na Ai Lam Nnan Ni Hpe Gara Hku Chye Hkra Galaw Na

Chyum Laika hpe shawoi na hta grau chye na hkra, Yehowa madun dan ai aten hta asak hkrung lu ai gaw myit kahpra hpa re. (Dan 12:4) Raitim, hpang jahtum chye na ai lam hte maren byin na matu yak chye ai. Chye na ai lam galai shai da ai ni, sanglang da ai ni hpe gara kaw mu lu na kun?

• Sin Langchyi Laili Laika Matsun (Inglik) “Sanglang Da Ai Makam Masham Ni” daw hta, galai shai da ai chye na ai lam hte seng ai chyarang ni hpe, shi shaning hte shi madun da ai. Sin Langchyi Laika Dum (sh) Sin Langchyi ONLINE LAIKA DUM a, tam ngu ai shara hta “Sanglang Da Ai Makam Masham Ni” (ga hpaw ga pat shalawm) ngu nna kayat bang u.

• Yehowa Sakse Ni A Matu Hkaja Lam Matsun laika buk hta, shi ga baw hte shi galaw da ai chyarang nga ai. “Yehowa Sakse Ni” ga baw, “Hkap La Da Ai Lam Hte Makam Masham Ni” npu hta, “Anhte A Makam Masham Hte Seng Ai Sanglang Da Ai Lam” hta yu u.

Kade n na shi ai aten hta, galai shai dat ai chye na ai lam nnan hte seng ai lam hpe, tinang hkrai hkaja ai lam hta hkaja u. Ya gara hku chye na ai, chye na ai lam hpe hpa majaw galai shai dat ai lam hpe tam yu u.