Gawng Malai Jahpu N Jaw Shi Yang Na Mara Ni Hpe Raw Ya Ai Lam

Yesu a gawng malai jahpu hkungga hku nna sha, anhte mara raw hkrum na re. (Ehp 1:7) Raitim, “Karai Kasang gaw myit sharang nga nna moi shawng na yubak mara ni hpe shalai dat kau ai” ngu Chyum Laika hta tsun da ai. Dai gaw, Yesu gawng malai jahpu n jaw shi yang na aten hpe tsun nga ai re. (Rom 3:25) Gawng malai jahpu n jaw shi ai raitim, Yehowa gaw hpa majaw mara raw ya lu ai kun? Tara rap ra ai tsang madang hte hpa majaw hkrak re ai kun?

Kamsham ai ni hpe hkye la na “amyu matu” paw pru wa shangun na matu, dawdan kau ai aten kaw nna, Yehowa a ningmu hta, gawng malai jahpu jaw ngut sai zawn re. (Nin 3:15; 22:18) Masat da ai aten hta, Kasha gaw sharawng awng let gawng malai jahpu jaw na hpe kam ai. (Gal 4:4; Heb 10:7-10) Mungkan ga hta nga ai shaloi, gawng malai jahpu n jaw shi ai raitim, mara raw ya na ahkang Yesu lu da ai. Shi jaw na shagu hkungga hku nna, masha ni mara raw hkrum na hpe chye ai majaw mara raw ya ai.—Mat 9:2-6.