Sung Htum Ai Lam Ni Hpe Hkaja Ai Hku Nna Maja Nga U

Sung htum ai lam ni hpe hkaja ai gaw hpa majaw ahkyak ai lam chye na matu, Daniela 9:1-19 hpe hti u.

Lawu lahta chyum daw ni hpe hkaja u. De a shawng hta hpa ni byin ai kun? Daniela a ntsa gara hku akyu shabyin ya ai kun? (Dan 5:29–6:5) Nang gaw Daniela a shara hta nga yang gara hku hkamsha na kun?

Kahtap hkaja u. Gara “laika ni” hpe Daniela hkaja wa ai rai na kun? (Dan 9:2; w23 4 ¶8) Tinang hte Israela amyu masha ni a mara ni a matu, Daniela hpa majaw hpyi nem tawng ban ai kun? (Jaw 26:39-42; 1 Hk 8:46-50; dp-BU 182-184) Daniela gaw, Chyum Laika hpe shakut shaja hkaja ai wa re ai lam, Daniela 9:11-13 hta lawm ai akyu hpyi ga gaw, gara hku madun dan ai kun?

Sharin la lu ai lam ni hpe myit u. Ndai hku san yu u:

• ‘Mungkan mabyin ni a majaw, myit shanut mat ai baw n byin hkra gara hku koi lu na kun?’ (Mik 7:7)

• ‘Daniela zawn, Chyum Laika hpe shakut shaja hkaja yang hpa akyu lu na kun?’ (w04-BU 8/1 12 ¶17)

• ‘Tinang hkrai hkaja ai lam hta, gara lam ni hpe hkaja ai gaw “maja nga” na matu karum ya ai kun?’ (Mat 24:42, 44; w12-BU 8/15 5 ¶7-8)