Akyu Hpyi Ai Shaloi Hpa Ni Hpyi Mai Ai Kun?

Chyum Laika Mahtai

Chyum Laika hta tsun da ai hte maren, Karai Kasang hkap la ai lam yawng mayawng hpe hpyi mai ai. “Karai Kasang a myit ai hku hte maren, anhte lama ma hpyi ga yang gaw, shi anhte hpe madat mara na ra ai.” (1 Yawhan 5:14) Nang myit tsang ai lam hpe akyu hpyi tsun dan mai ai kun? Mai ai. Chyum Laika hta: “Nanhte a myit [Karai Kasang] a man e hpaw dan mu” ngu nna tsun da ai.​—Shakawn 62:8.

Akyu hpyi mai ai lam nkau ni

• Makam masham grau law htam wa na matu hpyi mai ai.​—Luka 17:5.

• Jaw ai hku galaw lu hkra karum ya na matu, Karai Kasang a chyoi pra ai wenyi hpyi mai ai.​—Luka 11:13.

• Manghkang ni hpe lu hparan hkra, hkalem hkalau ai lam ni hpe lu ninghkap hkra, atsam hpyi mai ai.​—Hpilipi 4:13.

• Myit simsa na matu hpyi mai ai.​—Hpilipi 4:6, 7.

• Kaja ai dawdan lam jahkrat lu hkra, nyan hpaji jaw na matu hpyi mai ai.​—Yaku 1:5.

• Shani shagu a ra kadawn ai lam ni a matu hpyi mai ai.​—Mahte 6:11.

• Yubak mara ni hpe raw kau ya na matu hpyi mai ai.​—Mahte 6:12.