Anhte Kabu Gara Lu Ai Lam Ni

1. Anhte kabu gara lam law nga,

Manu dan ai sutgan ni zawn,

Amyu shagu yawng na masha ni,

Mungkan ting hta yawng shang lawm wa.

Anhte salum hta kabu gara,

Chyum mungga hpe npawt tawn let,

Karai sharin ya shani shagu,

Na la lu ai majaw kam sham.

Anhte kabu gara lam ngang kang,

Salum hta wan grung nga ai zawn.

Tsin-yam hte gunglau lam shinggrup nga,

Hkam jan lu Yehowa majaw.

2. Hpan da lam ni hpe kabu let yu,

Lamu panglai hte ginding ga,

Hpan da lam laika buk azi yu,

Yehowa hpe anhte shagrau.

Awng dang ai hte ya sakse hkam ga,

Karai mungdan ndau shana.

Mungdan shangai wa chyeju shiga,

Kabu let shara shagu tsun.

Htani htana kabu lu na sai,

Shana htum nhtoi du ai zawn.

Ga sadi jaw da mungkan nnan,

Kabu gara lam la sa wa.