Hkaw Tsun Bungli Hta Grau Kaja Hkra Galaw Ai Lam—Magazine Sa Ai Lam Nga Na Matu Shakut U

Hpa Majaw Ahkyak: Masha law law gaw, magazine ni hti mayu tim, Chyum Laika nkam sharin ma ai. Tinang a makam masham hte sha myit dik nga ai, shing nrai hkaja na matu aten n nga ai mung mai byin ai. Raitim, shanhte gaw magazine ayan hti ai shaloi, Karai A Mungga hpe grai chye mayu wa ai. (1 Pet. 2:⁠3) Shanhte hti hkrup ai sumhpa langai a majaw, masin hkra ai shing nrai shanhte a masa ni galai shai mat chye ai. Anhte gaw, shanhte hpang de chyahkring hkring sa yang, grau hku hkau wa ai hta n-ga, shanhte myit lawm ai lam ni, myit tsang lam ni hpe chye wa na. Dai shaloi, Chyum Ga sharin hpang mai na re.

Galaw Mai Ai Lam:

Hpang jahtum na Sin Langchyi hte Dum Hprang! hpe shata shagu jaw na nhtoi hte aten hpe chyarang galaw u. Ndai shata garan na laika langai ngai jaw na matu, jaw da ai magazine na sumhpa langai hti mayu na matu, ndai shata laman bai kawan mai ai. Kawan ai shani, garan ai laika, tsun wa ai lam ni hpe matsing da u. 2014 January, Anhte A Mungdan Magam, laika man 3 hpe yu u.
Bai kawan lam a matu shajin u. Nta madu hpe magazine jaw ai sha n-ga, ga mung shaga u. Shi hte hkau hkra shakut u. Dai she, shi a myit shang sha lam hpe sharawt ya lu na re.
Chyum Ga sharin hpang na matu, ahkaw ahkang tam nga u. Magazine ayan la ai nta madu gaw, lama ma hte seng nna, Chyum Ga matsun hpe san wa yang, mahtai lawm ai laika la sa nna bawngban u. Hpang kalang bai sa yang tsun na matu, ga san langai san da u. Chyum Laika shing nrai, kaga laika langai ngai hte ayan, atsawm sharin ai gaw, aten kachyi mi sha na tim, Chyum Ga sharin ai re. Nta madu hpe, Kabu Gara Shiga brochure jaw nna, aten kadun Chyum Ga sharin galaw dan ga ai kun? Chyum Laika Hpe Hpa Majaw Hkaja Ra Ai Kun? hte Chyum Laika Sharin Ai Lamang Hpe Gara Hku Galaw A Ta? ngu ai video ni madun ga ai kun? Moi Chyum Laika nkam sharin wa tim, masa amyu myu a majaw myit galai shai chye ai. Dai majaw, Chyum Ga sharin na matu, bai saw shaga lu na kun?

Ndai Shata Laman Shakut Yu U:

Magazine sa ai lam, mai byin ai ni hpe jahpan galaw u. Shanhte hpe hpang jahtum shapraw ai, magazine jaw nna, nnan mung bai sa jaw na ngu tsun u.