Myit tsang lam ni hpe gara hku hparan mai na kun?

“Na a lit Yehowa hta mara da u. Shi nang hpe shadaw na re ai: Tut nawng e ding hpring ai ni hpe, Kataw shangun nga na n rai.”

Shakawn Kungdawn 55:22

“Shakut sharang ai wa a myit mamyit gaw, law htam wa na lam rai nga ai; Law hpa ai wa chyawm gaw matsan mayan hkrum na ra ai.”

Ga Shagawp 21:5

“Hkum hkrit et, ngai nang hte rau rai nga nngai; hkum tsang et, ngai na a Karai Kasang rai nga nngai; ngai nang hpe n-gun shaja nna karum na de ai; gaja wa, nye ding hpring ai hkra lata hte, ngai nang hpe shadaw na de ai.”

Esaia 41:10

“Nanhte hta kadai rai ti mung, myit tsang ai hte, tinang a aprat galu u ga, dawng mi daram jat la lu na myit ni?”

Mahte 6:27

“Dai rai nna, hpawt ni na matu myit hkum tsang myit; hpawt ni gaw shi a matu ru tsang na ra ai. Dai ni na ru tsang ai gaw, dai ni na matu ram nga ai.”

Mahte 6:34

“Hpaji n rawng ai ni zawn n rai, hpaji rawng ai ni zawn hkawm nga mu.”

Ehpesu 5:15, 16

“Hpa lam hta mung myit hkum ru hkum tsang myit; lam shagu hta akyu hpyi nna tawngban ai hte shakawn kungdawn let, nanhte a hpyi mahpyi hpe Karai Kasang kaw shana nga mu. Shaloi chye chyang ai nyan yawng hta grau lai ai Karai Kasang a ngwi pyaw ai gaw, nanhte a myit masin hte nanhte a myit mang ai hpe, Hkristu Yesu hta e bau sin na ra ai.”

Hpilipi 4:6, 7