Hkaw Tsun Bungli Hta Grau Kaja Hkra Galaw Ai Lam—⁠Hpaga Lawk Hta Sakse Hkam Ai Shaloi

Hpa Majaw Ahkyak: Masha law malawng gaw bungli hta aten law law galaw ra ai majaw, shanhte a bungli galaw ai shara de sa nna, Karai Kasang a kabu gara shiga tsun dan ai gaw kaja ai lam langai re. Hpaga lawk hta sakse hkam ai gaw, ngwi pyaw lam hte akyu mung grai lu na re. Hpa majaw nga yang, bungli galaw ai masha ni gaw, gat mari sa ai ngu zawn nawn nna masha ni hpe atsawm sha ga shaga ai majaw re. Hkaw tsun masha gaw, masa ni hpe atsawm sha chye ginhka nna bu hpun palawng hpe mung san san seng seng bu hpun na nga yang grau nna akyu nga na re. (2 Kor. 6:3) Dai majaw, hpaga lawk hta kadai ni hkaw tsun sa na hpe, magam hpaawn gaw atsawm sha myit nna dawdan ra ai.

Galaw Mai Ai Lam:

Kadun dawk re ai hkrang shala langai galaw u. Lama na, anhte gaw bungli masha ni hte aten na na shaga yang, hpang kalang bai sa na matu loi na nre.
Seng hpaw hpang ai aten ni zawn, bungli nau nlaw ai aten ni hpe lata nna sa u.
Bungli hpaawn hpe shawng, hku hkau ai nsam hte ga sa shaga u. Ndai hku tsun mai ai, “Nanhte hpe nta kaw mu na yak ai majaw, bungli galaw ai shara hta chyahkring mi sa jahkrum ai re.” Garan laika, magazine ni, kaga laili laika ni hpe kadun dawk tsun nna jaw u. Gat dut ai ni myit n shanut hkra, anhte a bungli hpe gara hku madi shadaw nga ai lam nsan yang, alu gumhpraw hte seng nna ntsun ra ai.
Bungli hpaawn gaw, hku hku hkau hkau shaga yang, kaga bungli masha ni hte mung ga shaga mayu ai ngu ahkang hpyi u. Masha nkau mi gaw, laili laika ni hpe rau ai aten hta hti na matu tawn da na nga yang grau ra ai.
Masa ni hpe atsawm sha chye nna galai shai chye ra ai. Ga shadawn, gat mari ai masha ni hte ga shaga nga yang, shi amu jin yang she shi hte ga shaga u.

Ndai Shata Laman Shakut Yu U:

Dinghku nawku galaw ai shaloi, hpaga lawk hta gara hku hkaw tsun na hpe hkrang shala galaw nna shaman u.