“Amaja Nga Mu”

25:1-12

Yesu gaw, shi hpang hkan ai namman chya hkrum ai Hkristan ni hpe, num mahkawn shi ga shadawn hte dingtawk tsun wa ai raitim, dai madung shiga gaw Hkristan ni yawng hte mung seng ai. (w15 3/15 9-14) “Dai rai nna, dai shani rai ti mung, dai ahkying rai ti mung, nanhte n chye myit dai majaw, a maja nga mu.” (Mat 25:13) Yesu a ga shadawn hpe nang sang lang dan lu na kun?

• La nnan (kaji. 1)​—⁠Yesu

• Myit su ai, hkyen lajang da ai mahkawn ni (kaji. 2)​—⁠Namman chya hkrum ai Hkristan ni gaw, jahtum du hkra nhtoi jaw lu nna, shanhte a magam hpe sadi dung let gun hpai na matu lajang da ra ai (Hpi 2:15, 16)

• Yu mu, la nnan wa du ra ai! ngu marawn (kaji. 6)​—⁠Yesu du wa ai a kumla

• Myit n su ai mahkawn ni (kaji. 8)​—⁠Namman chya hkrum ai Hkristan ni gaw, la nnan hpe hkrum na matu pru mat wa ai raitim, shanhte a sadi dung ai lam hte myit maja ai lam hpe n hkang da ai

• Myit su ai mahkawn ni gaw, shanhte a sau hpe n garan jaw (kaji. 9)​—⁠Hpang jahtum dazik dawk ngut ai hpang, sadi dung ai namman chya hkrum ai ni gaw, sadi n dung ai ni hpe karum ya na matu, grai hpang hkrat mat sai

• “La nnan sa du wa ai” (kaji. 10)​—⁠Ru tsang kaba htum wa mahka, Yesu gaw tara jeyang na matu sa wa na re

• Myit su ai mahkawn ni gaw, hkungran poi de la nnan hte shang lu nna, chyinghka la mat (kaji. 10)​—⁠Sadi dung ai namman chya hkrum ai ni gaw, Yesu hte rau sumsing lamu hta nga lu nna, sadi n dung ai ni gaw sumsing lamu shaman chyeju sum mat