Karai Gaw Tsawra Myit Rai Nga

1. Tsawra myit hte Karai tsun nga:

‘Ngai hte arau hkawm sa ga.’

Karai hte htingbu hpe tsaw yang,

Shaman chyeju ni lu na.

Tsawra myit hpe madung da ga.

Anhte a prat hkrun lam hta,

Hkristu zawn tsaw myit madun yang,

Anhte yawng awng dang lu na.

2. Jet ai tsaw myit madun lu hkra,

Karai tsaw myit shadut ya.

Anhte hkrat sum yang karum ya.

Rawt lu hkra n-gun jaw ya.

Tsawra myit gaw dingman nga ai.

Manawn masham lam n nga.

Hpunau ni hpe tsaw myit madun,

Jet ai tsaw myit chyim yu ga.

3. Mara ni hpe n matsing da,

Anhte masin n pawt ga.

Yehowa hpe myit mada let

Lam matsun hpe hkam la ga.

Karai hte htingbu hpe tsawra,

Tsawra myit hte hkawm sa ga.

Masha yawng hpe aten shagu

Tsawra myit madun nga ga.