HKAJA 1

Tang Du Ai Ga Nhpaw

Kasa 17:22

KADUN DAWK: Na a ga nhpaw gaw myit lawm hpa rai ra nna, nang tsun na lam hpe dan dawng shangun ra ai. Nang tsun na lam hpe hpa majaw myit lawm ging ai lam, madat nga ai ni chye hkra karum ya u.

GALAW MAI AI LAM:

Myit lawm hkra galaw u. Ga san langai, mahkrum madup (sh) shiga zawn re ai, madat nga ai ni myit lawm na lam langai ngai hpe lata u.

Madat nga ai ni a myit tsang ai lam hte myit lawm ai lam ni hpe atsawm myit da yang, na a ga nhpaw hpe ra ang ai hku galai shai lu na re.
Tsun na lam hpe dan dawng hkra galaw u. Nang tsun mayu ai lam hte de a yaw shada lam hpe, madat nga ai ni asan sha chye na lu ai ga nhpaw byin hkra shajin da u.
Nang tsun dan na lam gaw hpa majaw ahkyak ai hpe madun u. Madat nga ai ni a tatut ra rawng ai lam hta hkan nna, ra ang ai hku galai shai nna tsun u. Nang tsun nga ai lam gaw, shanhte langai hpra hpe karum ya lu ai lam atsawm chye na hkra tsun u.

Mungga hpe hkyen lajang ai shaloi, ‘Nawku hpung hta nga ai hpunau nauna ni gaw, gara masa ni hpe hkrum nga ai kun?’ ngu nna, tinang hkrai san yu u. Dai hpang, ga nhpaw hpe shanhte a ra rawng ai lam hte maren tsun u.