Sadi Dung Nga Ga

1. Yehowa hpe sadi dung ga.

Tsawra ai myit madun ga.

Apnawng da ai Hkristan hku na

Lam matsun ni chye mayu.

Tara ni gaw awng dang lam jaw,

Hpaji jaw ga hkan sa ga.

Sadi dung ai Yehowa hte

Galoi mung ni htep nga ga.

2. Sadi dung ai hpunau ni hpe

Ra kadawn yang karum ga.

Lanu lahku, madi shadaw,

Tsawra myit madun nga let

Hpunau ni hpe shagrau ya ga.

Salum kaw na hkungga ga.

Sadi dung let ni htep nga hkra,

Shanhte hpe n kau da ga.

3. Hpunau ni woi awn ai shaloi,

Sadi dung let hkan sa ga.

Lam matsun ni jaw ai shaloi,

Madat mara mat wa ga.

Karai shaman chyeju jaw na,

Ngang kang hkra karum ya na.

Sadi dung ai lam madun yang,

Karai a myiman lu na.