HKAJA 11

Myit Rawt Ai Lam

Roma 12:11

KADUN DAWK: Myit rawt let hkaw tsun nna, madat nga ai ni myit rawt wa hkra, n-gun lu wa hkra galaw u.

Na a myit masin hta bang da u. Nang hkaw tsun na lam hpe hkyen lajang ai shaloi, shiga a ahkyak ai lam hpe atsawm sha myit yu u. Nang tsun na lam hpe atsawm sha chye da yang, na a myit kraw kata kaw na tsun dan lu na re.
Madat nga ai ni a lam myit yu u. Nang hti na (sh) sharin ya na lam gaw, kaga masha ni hpe gara hku akyu jaw lu na hpe myit yu u. Nang tsun nga ai lam hpe, madat nga ai ni manu shadan wa hkra, tsun dan lu na ladat ni hpe myit yu u.
Na a mungga hpe asak rawng hkra galaw u. Myit rawt let hkaw tsun u. Na a hkam sha lam hpe lata kumla ni, myi man nsam ni hte madun u.

Akyang langai hku nna, lata kumla amyu mi hpe sha, bai kahtap htap galaw na nga yang, madat nga ai ni myit shuk mat chye ai hpe sadi u. Lata kumla ni hpe lachyum nga ai hku sha madun u. Madung lam ni hpe sharin ya ai shaloi, tatut hkan sa na matu shadut ya ai shaloi, myit rawt ai lam madun u. Mungga htawn nga ai aten tup, madat nga ai ni myit ba mat hkra, ladu lai myit rawt let tsun ai hpe koi u.