“Ga Ningtsa Ting Hta E N-Gup Ga Langai Sha Hte Tsun”

11:1-4, 6-9

Yehowa gaw, Babela hta n madat mara ai masha ni a ga hpe shanut kau ya nna shabra kau ai. Dai ni aten hta, Yehowa gaw masha mungdan shagu hta na, ga amyu shagu hta na masha wunawng wuwa kaba hpe kahkyin la nna, “san seng ai ga” jaw ai majaw, shanhte gaw “Yehowa a mying hpe shaga nna, myit langai sha hte shi hpe daw jau” nga ai. (Zep 3:9, NW; Shr 7:9) Ndai “san seng ai ga” gaw, Yehowa hte seng ai teng man lam hte Chyum Laika hta lawm ai shi a yaw shada lam ni hpe tsun ai re.

Amyu ga nnan sharin la ai shaloi, ga si ni hpe matsing hkra galaw ai daram hte sha n mai ai. Myit sawn sumru ai lam nnan hpe mung sharin la ra ai. Dai zawn sha san seng ai ga hpe anhte sharin la ai shaloi, anhte a myit mang ai lam galai shai mat ai. (Rom 12:2) Dai zawn galai shai ai lam hpe matut nna galaw ai majaw, Karai a amyu masha ni hta zinlum nga ai.​—1Ko 1:10.