MAHKAWN 49
Yehowa A Myit Hpe Kabu Gara Shangun
Dip Shapraw Ai Hkrang
(Ga Shagawp 27:11)
1. Magam gun na ga sadi jaw.
Hpaji rawng let galaw mat na.
Karai myit kabu na matu,
Anhte galaw hkawm sa mat ga.
2. Na a sadi dung ai mayam,
Mying ningsang hpe ndau shana.
Wenyi lusha ni lajang ya,
Anhte hpe shangang shakang ya.
3. Nang myit ra ai hku hkawm lu hkra,
Chyoi pra wenyi atsam jaw rit.
Nang hpe shakawn shagrau nga na.
Kabu gara let nawku na.
(Mat 24:45-47; Luk 11:13; 22:42 ni hpe mung yu u.)