Alum Ala Hte Myit Tau Ya Ai Lam

1 Htesaloni 2:7, 8

KADUN DAWK: Madat nga ai ni hpe tsawra ai lam hte karum ya mayu ai lam madun u.

GALAW MAI AI LAM:

• Madat nga ai ni a lam myit yu u. Shanhte hkrum nga ai mayak mahkak ni hpe myit nna, na a myit masin hpe hkyen lajang u. Shanhte a hkam sha ai lam hpe shakut nna myit yu u.

• Ga si ni hpe atsawm lata u. Madat nga ai ni hpe shalan shabran ya ai, myit simsa ya lu ai hte n-gun jaw lu ai ga si ni hpe tam u. Shanhte hpe hkra machyi shangun ai ga si ni hpe koi u. Yehowa hpe n kamsham ai ni hte seng nna, n kaja ai hku tsun ai (sh) shanhte a makam masham hpe, yu kaji ai zawn tsun ai lam ni hpe koi u.

• Myit lawm ai lam madun u. Tsawra matsan dum ai nsen, htap htuk ai lata kumla ni hte madat nga ai ni hpe, teng sha lanu lahku ai lam madun u. Myiman nsam hpe sadi u. Mani sumsai nsam hpe chyahkring hkring galaw dan u.