Shada Da N-gun Jaw Ga

1. Yehowa hpe sadi dung lu hkra,

Shada da n-gun jaw hkat ga.

Tsawra myit gaw shangang shakang ya,

Ngwi pyaw let kahkyin gumdin ya.

Karai amyu lapran na tsaw myit

Hkam jan lu hkra karum ya ai.

Zuphpawng ni gaw shingbyi na shara,

Simsa shimlum lam lu jaw ai.

2. Tsawra ai myit hte tsun ai ga gaw

Anhte hpe shalan shabran ya.

Sadi dung ai manang ni hku na

N-gun jaw ai ga ni lu la.

Myit mada lam bung ai ni hte rau

Ngwi pyaw let Karai magam gun.

Shada da shangang shakang ya ga.

Lit ni hpe karum hpai ya ga.

3. Yehowa nhtoi grai ni sai hpe

Makam masham myi hte mu lu.

Teng man lam hta matut hkawm lu hkra,

Zuphpawng galoi mung lung nga ga.

Kahkyin gumdin let hpunau ni hte

Prat tup magam gun mat wa na.

Matut sadi dung lu na matu,

Shada da n-gun jaw mat ga.