Mara Raw Ya Nga Ga

1. Tsawra myit Yehowa

Anhte a mara ni hpe

Raw ya na matu Yesu hku

Lawt lu ai lam lajang ya.

Teng man ai myit malai lu yang,

Gawng malai madung tawn let

Yesu mying hte akyu hpyi yang,

Mara raw dat ai hkrum na.

2. Karai hpe kasi la,

Shada da mara raw ya,

Tsawra myit madun na nga yang,

Karai tsaw myit hkamsha na.

Myit machyi lam n nga ai sha,

Hkam mana, chye na ya ga.

Hpunau shada shagrau hkat let

Matsan dum myit madun ga.

3. Matsan dum ai myit gaw

Shalat mai ai atsam re.

Masin pawt ai lam koi lu hkra,

Myit galu hkra karum ya.

Yehowa a tsawra myit hpe

Kasi la na shakut let

Kaga ni a mara raw yang,

Karai a myiman lu na.