Liberia mungdan, Monrovia mare makau hta sakse hkam nga

Tsun Shaga Ladat Ni

●○○HKAW TSUN TEN

Ga San: Chyum Laika gaw dai ni aten hte naw seng ai kun?

Chyum Daw: 2 Tim. 3:17

Matut Mahkai: Chyum Laika a shiga gaw hpa re ai kun?

○●○ SHAWNG NNAN BAI KAWAN

Ga San: Chyum Laika a shiga gaw hpa re ai kun?

Chyum Daw: Mah. 6:10

Matut Mahkai: Karai Kasang a Mungdan gaw hpa galaw ya na kun?

○○● No.2 LANG BAI KAWAN

Ga San: Karai Kasang a Mungdan gaw hpa galaw ya na kun?

Chyum Daw: Dan. 2:44

Matut Mahkai: Ndai gaw Mungkan ga hpe gara hku akyu jaw na kun?

Ndai shata kaw nna, bat lapran zuphpawng hta hkaw tsun ladat masum lawm sana n re. De a malai, Prat Hte Magam Zuphpawng Shaman Laika Buk hta, nhpaw ga san langai, Chyum daw langai hte bai kawan lu na matu lam hpaw da ai, matut mahkai ga san langai lawm ai, tsun shaga ladat bang ya mat na re. Bat mi hta, tsun shaga ladat video langai sha madun dan na re. Hkaw tsun masha shagu gaw, hkaw tsun ten (sh) bai kawan ai hta anhte a Hkaja Mai Ai Hkingrai ni hpe jailang nna shachyen ya mai na re. Bai nna, shaman laika buk hta, kahtap nna tsun dan lu na, tsun shaga ladat lahkawng hpe shalawm da ya ai. Ndai hku galaw ai gaw, anhte a bandung re ai “n htum n wai asak lu la na san da ai ni nlang” hpe sharin ya lu hkra karum ya na re.—⁠Kasa 13:48.

Jawng Ma Lit Ang Ai Ni: Matsun da ai lam n nga yang, jawng ma ni gaw tsun shaga ladat ni hpe jailang ging ai.