Ĩvuku ya Mbee ya Mavinda

24 Yu ii nĩsyo syaĩ ikundi sya nzyawa sya Alũni: Ana ma Alũni maĩ Natavu, Aviũ, Eleasali, na Ithamali. 2 O na ũu wĩ o vo, Natavu na Aviũ makwie mbee wa ĩthe woo, na mayaĩ na ana; ĩndĩ Eleasali na Ithamali nĩmaendeeie kũthũkũma me athembi. 3 Ndaviti na Nzatoki ũla waumĩte ananĩ ma Eleasali na Aimeleki ũla waumĩte ananĩ ma Ithamali, nĩmamaanisye ikundi mathũkũmae wĩa ũla maĩlĩte kũthũkũma. 4 Nũndũ ana ma Eleasali maĩ na aũngamĩi aingangĩ kwĩ ana ma Ithamali, mamaanisye ũũ ũndũ vaĩle: Ana ma Eleasali maĩ na aũngamĩi 16 ma nyũmba sya aa-ĩthe, namo ana ma Ithamali maĩ na aũngamĩi 8 ma nyũmba sya aa-ĩthe.

5 O na ĩngĩ, nĩmamaanisye kwa kũkũna kula, kĩkundi kĩmwe vamwe na kĩkundi kĩngĩ, nũndũ vaĩ na anene ma vala vandũ vatheu na anene ma Ngai ũla wa w’o maumĩte ananĩ ma Eleasali na ananĩ ma Ithamali. 6 Na ĩndĩ Semaia mwana wa Nethaneli mũandĩki wa Alivai aandĩka masyĩtwa moo mbee wa mũsumbĩ, anene me mbee ũsumbĩnĩ, mũthembi Nzatoki, Aimeleki mwana wa Aviathali, na aũngamĩi ma nyũmba sya aa-ĩthe sya athembi na sya Alivai, nyũmba ĩmwe ya aa-ĩthe nĩyanyuviwe kwondũ wa Eleasali na nyũmba ĩngĩ yanyuvwa kwondũ wa Ithamali.

7 Kula ya mbee yavalũkĩile Yeoialivu; ya kelĩ Yetaia, 8 ya katatũ Alimu, ya kana Seolimu, 9 ya katano Malikiya, ya thanthatũ Miyamini, 10 ya mũonza Akosi, ya nyanya Aviya, 11 ya kenda Yesua, ya ĩkũmi Sekania, 12 ya 11 Eliasivu, ya 12 Yakimu, 13 ya 13 Uva, ya 14 Yeseveavu, 14 ya 15 Mbilika, ya 16 Imeli, 15 ya 17 Eesili, ya 18 Avisesi, 16 ya 19 Vethaia, ya 20 Yeesikeli, 17 ya 21 Yakini, ya 22 Ngamuli, 18 ya 23 Ndelaia, ya 24 Maasia.

19 Ũsu nĩwʼo wĩa ũla matethasya ũthũkũminĩ woo yĩla mooka nyũmbanĩ ya Yeova kwosana na mũtalatala ũla weekĩiwe nĩ ũmae woo Alũni, o tondũ Yeova Ngai wa Isilaeli wamwĩaĩe.

20 Na aa nĩmo Alivai ala matialile: ananĩ ma Amilamu, vaĩ Suvaeli; ananĩ ma Suvaeli, Yeteia; 21 kuma kwa Leavia: ana ma Leavia, Isia, na nĩwe waĩ mũũngamĩi; 22 kuma kwa Aisali, Selomothi; ananĩ ma Selomothi, Yaathi; 23 na ananĩ ma Eviloni, Yelia ũla nĩwe waĩ mũũngamĩi, wa kelĩ Amalia, wa katatũ Yaanzieli, wa kana Yekameamu; 24 ananĩ ma Usieli, Mika; ananĩ ma Mika, Samili. 25 Mwana-a-ĩthe wa Mika aĩ Isia; kuma ananĩ ma Isia, Nzekalia.

26 Ana ma Melali maĩ Mali na Musi; kuma ananĩ ma Yaasia, Mbeno. 27 Aa nĩmo maumĩte ananĩ ma Melali: kuma kwa Yaasia, vaĩ Mbeno, Soamu, Nzakuli, na Ivili; 28 kuma kwa Mali, Eleasali, ũla ũtaĩ na ana; 29 kuma kwa Kisi: ana ma Kisi, Yelameeli; 30 na ana ma Musi maĩ Mali, Eteli, na Yelimothi.

Aa nĩmo maĩ ana ma Livai kwosana na nyũmba sya aa-ĩthe. 31 O namo nĩmakũnie kula o tondũ ana-a-ĩthe ana ma Alũni meekie mbee wa Mũsumbĩ Ndaviti, Nzatoki, Aimeleki, na aũngamĩi ma nyũmba sya aa-ĩthe sya athembi na sya Alivai. Maũndũnĩ makonetye nyũmba sya aa-ĩthe, ũla waĩ mũũngamĩi aĩ o ũndũ ũmwe na mũinae.