Kwosana na Mathayo
1 Ĩvuku ya isitoli ya * Yesũ Klĩsto, * mwana wa Ndaviti, mwana wa Avalaamu:
2 Avalaamu aĩ ĩthe wa Isaka;
Isaka aĩ ĩthe wa Yakovo;
Yakovo aĩ ĩthe wa Yuta na ana angĩ;
3 Yuta aĩ ĩthe wa Velesi na Nzela, na inyia woo aĩ Tamali;
Velesi aĩ ĩthe wa Esiloni;
Esiloni aĩ ĩthe wa Lamu;
4 Lamu aĩ ĩthe wa Aminatavu;
Aminatavu aĩ ĩthe wa Nasoni;
Nasoni aĩ ĩthe wa Salumoni;
5 Salumoni aĩ ĩthe wa Mboasi, na inyia wake aĩ Laavi;
Mboasi aĩ ĩthe wa Oveti, na inyia wake aĩ Luthi;
Oveti aĩ ĩthe wa Yese;
6 Yese aĩ ĩthe wa Ndaviti, ũla waĩ mũsumbĩ.
Ndaviti aĩ ĩthe wa Solomoni, na inyia wake aĩ kĩveti kya Ulia;
7 Solomoni aĩ ĩthe wa Leovoamu;
Leovoamu aĩ ĩthe wa Aviya;
Aviya aĩ ĩthe wa Asa;
8 Asa aĩ ĩthe wa Yeosavati;
Yeosavati aĩ ĩthe wa Yolamu;
Yolamu aĩ ĩthe wa Usia;
9 Usia aĩ ĩthe wa Yothamu;
Yothamu aĩ ĩthe wa Aasu;
Aasu aĩ ĩthe wa Esekia;
10 Esekia aĩ ĩthe wa Manase;
Manase aĩ ĩthe wa Amoni;
Amoni aĩ ĩthe wa Yosia;
11 Yosia aĩ ĩthe wa Yekonia na ana angĩ ĩvindanĩ ya kũtavwa na kũtwawa Mbaviloni.
12 Ĩtina wa kũtavwa na kũtwawa Mbaviloni, Yekonia eethĩwa ĩthe wa Sealitieli;
Sealitieli aĩ ĩthe wa Nzeluvaveli;
13 Nzeluvaveli aĩ ĩthe wa Aviuti;
Aviuti aĩ ĩthe wa Eliakimu;
Eliakimu aĩ ĩthe wa Asoli;
14 Asoli aĩ ĩthe wa Satoki;
Satoki aĩ ĩthe wa Akimu;
Akimu aĩ ĩthe wa Eliuti;
15 Eliuti aĩ ĩthe wa Eleasali;
Eleasali aĩ ĩthe wa Mathani;
Mathani aĩ ĩthe wa Yakovo;
16 Yakovo aĩ ĩthe wa Yosevu mũũme wa Meli, inyia wa Yesũ, ũla wĩtawa Klĩsto.
17 Nzyawa syonthe kuma Avalaamu nginya Ndaviti syaĩ 14; kuma Ndaviti nginya ĩvinda ya kũtavwa na kũtwawa Mbaviloni, syaĩ 14, kuma ĩvinda ya kũtavwa na kũtwawa Mbaviloni nginya Klĩsto, syaĩ 14.
18 Ĩndĩ kũsyawa kwa Yesũ Klĩsto kwailye ũũ: Ĩvinda yĩla inyia wake Meli weevaĩtw’e nĩ Yosevu, nĩwaitavie kwĩsĩla veva mũtheu * matambĩte kũtwaana. 19 Ĩndĩ nũndũ mũũme wake Yosevu aĩ mũlũngalu na ndaaenda kũmwĩkĩĩthya nthoni andũnĩ, atw’a kũmũeka kwa kĩmbithĩ. 20 Ĩndĩ ĩtina wa kũsũanĩa maũndũ asu, sisya! mũlaĩka wa Yeova amumĩlĩla ndotonĩ na amwĩa: “Yosevu, mwana wa Ndaviti, ndũkakĩe kũtwaa Meli, * nũndũ ĩvu yake yumanĩte * na veva mũtheu. 21 Akasyaa kavĩsĩ, na no nginya ũkete Yesũ, * nũndũ akatangĩĩa andũ kuma naĩnĩ syoo.” 22 Kwa w’o, maũndũ asu onthe meethĩiwe nĩ kana ndeto ila Yeova ũneenete kwĩsĩla mwathani wake ianĩe. Aĩtye atĩĩ: 23 “Sisya! Mwĩĩtu ũtesĩ mũndũũme akaitava na akasyaa kavĩsĩ na makaketa Imanueli,” na ũalyũlo wayo nĩ, “Ngai e Vamwe Naitũ.”
24 Na Yosevu aamũka kuma toonĩ na eeka ũndũ mũlaĩka wa Yeova wamwĩaĩe, na atwaa Meli. * 25 Ĩndĩ ndaakoma nake nginya esa kũsyaa kavĩsĩ, na aketa Yesũ.