Ĩvuku ya Mbee ya Mavinda
25 Ndaviti na anene ma ikundi sya ũthũkũmi nĩmasyokie mavatha ana amwe ma Asavu, Emani, na Yetuthuni nĩ kana mathanae na mĩio ya wathi yĩ na ndii 12,* mĩio ya kũinga yĩ na ndii, na masaya. Aa nĩmo aũme ala manengiwe wĩa ũthũkũminĩ ũsu, 2 kuma ananĩ ma Asavu: Nzakuli, Yosevu, Nethania, na Asalela, ana ma Asavu ala maĩ ungu wa Asavu, ũla wathanaa e ungu wa mũsumbĩ. 3 Kuma kwa Yetuthuni, ana ma Yetuthuni maĩ Ngetalia, Nzeli, Yesaia, Simei, Asavia, na Matithia, ana thanthatũ, ala maĩ ungu wa ĩthe woo Yetuthuni, ũla wathanaa na mũio wa wathi wĩ na ndii 12,* aimũtũngĩa Yeova mũvea na kũmũtaĩa. 4 Kuma kwa Emani, ana ma Emani maĩ Mbukia, Matania, Usieli, Sevueli, Yelimothi, Aanania, Aanani, Eliatha, Ngitaliti, Lomamiti-eseli, Yosivekasa, Malilothi, Othili, na Maasiothi. 5 Aa onthe nĩmo maĩ ana ma Emani, mwoni wa mũsumbĩ maũndũnĩ makonetye Ngai ũla wa w’o nĩ kana amũkumasye;* kwoou Ngai ũla wa w’o anenga Emani ana 14 na eĩtu 3. 6 Asu onthe maĩ ungu wa ĩthe woo nĩ kana mainĩae nyũmbanĩ ya Yeova, na masaya, mĩio ya kũinga yĩ na ndii, na mĩio ya wathi yĩ na ndii 12* kwondũ wa ũthũkũmi wa nyũmba ya Ngai ũla wa w’o.
Asavu, Yetuthuni, na Emani maĩ ungu wa mũsumbĩ.
7 Ũtalo woo na wa ana-a-ĩthe waĩ 288, na onthe maĩ amanyĩsye makamanya kũmwinĩaa Yeova nesa. 8 Kwoou nĩmakũnie kula nĩ kana mamanye mawĩa moo, ũla mũnini o ũndũ ũmwe na ũla mũnene, ũla wĩsĩ kwina nesa o vamwe na ũla ũkwĩmanyĩsya.
9 Kula ya mbee yavalũkĩile Asavu kwondũ wa Yosevu, ya kelĩ Ngetalia (we na ana-a-ĩthe na ana make maĩ 12); 10 ya katatũ Nzakuli, we na ana make na ana-a-ĩthe maĩ 12; 11 ya kana Isili, we na ana make na ana-a-ĩthe maĩ 12; 12 ya katano Nethania, we na ana make na ana-a-ĩthe maĩ 12; 13 ya thanthatũ Mbukia, we na ana make na ana-a-ĩthe maĩ 12; 14 ya mũonza Yesalela, we na ana make na ana-a-ĩthe maĩ 12; 15 ya nyanya Yesaia, we na ana make na ana-a-ĩthe maĩ 12; 16 ya kenda Matania, we na ana make na ana-a-ĩthe maĩ 12; 17 ya ĩkũmi Simei, we na ana make na ana-a-ĩthe maĩ 12; 18 ya 11 Asaleli, we na ana make na ana-a-ĩthe maĩ 12; 19 ya 12 Asavia, we na ana make na ana-a-ĩthe maĩ 12; 20 ya 13 Suvaeli, we na ana make na ana-a-ĩthe maĩ 12; 21 ya 14 Matithia, we na ana make na ana-a-ĩthe maĩ 12; 22 ya 15 Yelemothi, we na ana make na ana-a-ĩthe maĩ 12; 23 ya 16 Aanania, we na ana make na ana-a-ĩthe maĩ 12; 24 ya 17 Yosivekasa, we na ana make na ana-a-ĩthe maĩ 12; 25 ya 18 Aanani, we na ana make na ana-a-ĩthe maĩ 12; 26 ya 19 Malilothi, we na ana make na ana-a-ĩthe maĩ 12; 27 ya 20 Eliatha, we na ana make na ana-a-ĩthe maĩ 12; 28 ya 21 Othili, we na ana make na ana-a-ĩthe maĩ 12; 29 ya 22 Ngitaliti, we na ana make na ana-a-ĩthe maĩ 12; 30 ya 23 Maasiothi, we na ana make na ana-a-ĩthe maĩ 12; 31 ya 24 Lomamiti-eseli, we na ana make na ana-a-ĩthe maĩ 12.