Watchtower LIBRARY INDANETINĨ
Watchtower
LIBRARY INDANETINĨ
Kikamba
Ũ
  • ũ
  • Ũ
  • ĩ
  • Ĩ
  • MBIVILIA
  • MAVUKU
  • MAŨMBANO
  • 2 Samũeli 5
  • Mbivilia ya Ũalyũlo wa Nthĩ Nzaũ

Vai vitio ya kĩla wanyuva.

Vole, ve thĩna waumĩla.

2 Samũeli—Maũndũ Ala me Vo

      • Ndaviti aitwʼĩkĩthwʼa mũsumbĩ wa Isilaeli yonthe (1-5)

      • Yelusalemu ĩikwatwa (6-16)

        • Saioni, Ndũa ya Ndaviti (7)

      • Ndaviti aisinda Avilisiti (17-25)

2 Samũeli 5:1

Maelesyo ma Kwongeleela

  • *

    Kana “nĩtũilenyʼe ũndũ kĩ-nthakame.”

2 Samũeli 5:2

Maelesyo ma Kwongeleela

  • *

    Ndeto kwa ndeto, “nue waumaalasya Isilaeli na ũimĩtũnga.”

2 Samũeli 5:8

Maelesyo ma Kwongeleela

  • *

    Kana “mamenete thayũ wa Ndaviti.”

2 Samũeli 5:9

Maelesyo ma Kwongeleela

  • *

    Kana nĩvatonyeka, “nake amĩta.”

  • *

    Kana “Milo.” Ĩĩ nĩ ndeto ya Kĩevelania na ũalyũlo wayo nĩ “kusũsya.”

2 Samũeli 5:11

Maelesyo ma Kwongeleela

  • *

    Kana “mũkũũ.”

  • *

    Kana “nyũmba ya kĩ-ũsumbĩ.”

2 Samũeli 5:13

Maelesyo ma Kwongeleela

  • *

    Sisya Maelesyo ma Ndeto, “Kĩveti kya Ndũsyo.”

2 Samũeli 5:18

Maelesyo ma Kwongeleela

  • *

    Kana “ũiĩnĩ wĩ mwandanĩ.”

2 Samũeli 5:20

Maelesyo ma Kwongeleela

  • *

    Ũalyũlo wayo nĩ “Vwana wa Kwatũa na Kũsinda.”

2 Samũeli 5:22

Maelesyo ma Kwongeleela

  • *

    Kana “ũiĩnĩ wĩ mwandanĩ.”

  • Mbivilia ya Ũalyũlo wa Nthĩ Nzaũ
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
Mbivilia ya Ũalyũlo wa Nthĩ Nzaũ
2 Samũeli 5:1-25

Ĩvuku ya Kelĩ ya Samũeli

5 Ĩtina wa ĩvinda, mbaĩ syonthe sya Isilaeli nĩsyookie vala ve Ndaviti kũu Eviloni na syasya: “Sisya! Ithyĩ twĩ ĩvĩndĩ yaku na nyama yaku.* 2 Ĩvindanĩ ĩvĩtu yĩla Saũlo waĩ mũsumbĩ witũ, nue watongoeasya Isilaeli kaũnĩ.* Na Yeova akwĩie atĩĩ: ‘Ũkaĩthya andũ makwa Aisilaeli, na ũkeethĩwa mũtongoi wa Isilaeli.’” 3 Kwoou atumĩa onthe ma Isilaeli nĩmookie vala ve mũsumbĩ kũu Eviloni, na Mũsumbĩ Ndaviti atianĩa ũtianĩo namo kũu Eviloni mbee wa Yeova. Na ĩndĩ metĩkĩsya Ndaviti mauta atwʼĩke mũsumbĩ wa Isilaeli.

4 Ndaviti aĩ na myaka 30 yĩla watwʼĩkie mũsumbĩ, na asumbĩkie kwa ĩvinda ya myaka 40. 5 E kũu Eviloni asumbĩkie Yuta myaka 7 na myei 6, na e Yelusalemu asumbĩkie Isilaeli yonthe na Yuta myaka 33. 6 Na mũsumbĩ na aũme make mathi Yelusalemu makokite na Ayevusi ala matwĩe nthĩ ĩsu. Ayevusi mavũthĩĩisye Ndaviti maimwĩa: “We ndũkesa kũlika vaa! O na ilalinda na ala au mamutha makaũlũngya.” Masũanĩaa, ‘Ndaviti ndakesa kũlika kũũ.’ 7 Ĩndĩ o na ũu wĩ o vo, Ndaviti nĩwakwatie ngome ya Saioni, ĩla yu nĩ Ndũa ya Ndaviti. 8 Kwoou mũthenya ũsu Ndaviti aisye atĩĩ: “Ala makavithũkĩa Ayevusi maĩlĩte kwĩsĩla mũtaũnĩ wa kĩwʼũ nĩ kana moae ‘andũ ala au mamutha na ilalinda,’ ala mamũmenete Ndaviti!”* Nĩkyo kĩtumi kwĩawa: “Ilalinda na ala au mamutha maikalika nyũmba.” 9 Na ĩndĩ Ndaviti ambĩĩa kwĩkala ngomenĩ ĩsu, na yeetwa* Ndũa ya Ndaviti; na Ndaviti ambĩĩa kwaka kũthyũlũlũka kuma kĩla Kĩvumbunĩ* asyokete na nthĩnĩ. 10 Kwoou Ndaviti aendeea kwĩthĩwa na vinya mũno, na Yeova Ngai wa nguthu aĩ vamwe nake.

11 Mũsumbĩ Ilamu wa Tile nĩwatũmĩie Ndaviti atũmwa, o na mbwaũ sya mũtalakwe,* mavundi ma mbwaũ, na mavundi ma mavia nĩ kana make ngũta, namo mambĩĩa kwakĩa Ndaviti nyũmba.* 12 Na Ndaviti nĩwamanyie kana Yeova nĩwamũlũlũmĩĩlye vyũ ethĩwe mũsumbĩ wa Isilaeli na nĩwanenevetye ũsumbĩ wake kwondũ wa andũ ma Ngai, Aisilaeli.

13 Ndaviti nĩwoosie iveti ingĩ sya ndũsyo* na iveti ingĩ yĩla wookie Yelusalemu aumĩte Eviloni, na asyaĩwa ana na eĩtu angĩ. 14 Aa nĩmo masyĩtwa ma ana ala wasyaĩwe e Yelusalemu: Samua, Sovavu, Nathani, Solomoni, 15 Iviali, Elisua, Neveki, Yavia, 16 Elisama, Eliata, na Elivieleti.

17 Yĩla Avilisiti meewie kana Ndaviti nĩwĩtĩkĩwʼe mauta ethĩwe mũsumbĩ wa Isilaeli, Avilisiti onthe nĩmambatie makamanthe Ndaviti. Nake Ndaviti eewʼa ũu, atheea ngomenĩ. 18 Na ĩndĩ Avilisiti mooka na manyaĩĩka Mwandanĩ* wa Alevai. 19 Ndaviti akũlilye Yeova ũtao, ayasya: “Nĩnaĩlĩte kwambata ngavithũkĩe Avilisiti? Nũũmanengane kwʼokonĩ kwakwa?” Nĩvo ĩndĩ Yeova weeie Ndaviti atĩĩ: “Ambata, nũndũ vate nzika, nĩngũnengane Avilisiti kwʼokonĩ kwaku.” 20 Kwoou Ndaviti athi Mbaali-velasimu, na Ndaviti amoaĩa kũu. Nĩvo ĩndĩ waisye atĩĩ: “Yeova nĩwatũĩte amaitha makwa na akamasindĩa mbee wakwa, o ta mwatũka watũĩtwe nĩ kĩw’ũ.” Nĩkyo kĩtumi weetie vandũ vau Mbaali-velasimu.* 21 Avilisiti nĩmatiie mĩvwʼanano yoo vau, na Ndaviti na aũme make mamyosa mathi nayo.

22 Ĩtina, Avilisiti nĩmookie ĩngĩ na manyaĩĩka Mwandanĩ* wa Alevai. 23 Ndaviti nĩwakũlilye Yeova ũtao, ĩndĩ amwĩa atĩĩ: “Ndũkambate ĩmwe kwa ĩmwe. Vandũ va ũu, thiũũka ũthi ĩtina woo, na ũimavithũkĩa ngalĩko ya mbee ya ikuthu sya mbaka. 24 Na ĩndĩ weewʼa matuu ma andũ mesĩlĩte ĩũlũ wa ikuthu sya mbaka, nĩvo ĩndĩ wĩosa ĩtambya na mĩtũkĩ, nĩkwĩthĩwa Yeova akeethĩwa anathi mbee waku oae ita isu sya Avilisiti.” 25 Kwoou Ndaviti eeka o tondũ Yeova wamwĩaĩe, na ooaa Avilisiti kuma Ngeva nginya Ngeseli.

Kikamba Publications (1950-2025)
Uma
Lika Nthĩnĩ
  • Kikamba
  • Tũma
  • Mũvangĩle ũla ũkwenda
  • Copyright © 2025 Watch Tower Bible and Tract Society of Pennsylvania
  • Mĩao ya Kũtũmĩa
  • Ũvoo Waku wa Kĩmbithĩ
  • Mpangilio wa Faragha
  • JW.ORG
  • Lika Nthĩnĩ
Tũma