“Nĩmusũĩtye Yelusaleme Momanyĩsyo Menyu”

Kuma amanyĩwʼa ma Yesũ metĩkĩwʼa veva mũtheu ĩvindanĩ ya Vendekosito ya mwaka wa 33, nĩmeethĩiwe na kĩthito kingangĩ kya kumya ũkũsĩ ĩũlũ wa Ũsumbĩ wa Ngai. Kĩlungunĩ kĩĩ nĩtũkwona ũvoo wa kwendeesya ĩũlũ wa ũndũ kĩkundi kya Kĩklĩsto kyambĩĩiwʼe, ũndũ ũkũsĩ mũlũmu waumiwʼe Yelusaleme, na ũndũ atũmwa ma Yesũ maĩ na ũkũmbaũ mwingĩ o na kau nĩmavĩngawa mũno.