Ũima wa Kĩ-veva
Nĩkĩ kĩla Mũklĩsto waĩlĩte kwĩkĩa kĩthito ethĩwe e mũimu kĩ-veva?
Ũwʼo ũla wĩ Maandĩkonĩ ũtonya kũtũtetheesya ata tũendeee kwĩana kĩ-veva?
No nginya mũndũ ethĩwe e na myaka mingĩ nĩ kana atwʼĩke nĩ mũimu kĩ-veva?
Yovu 32:9; 1Ti 4:12
Ngewa syĩ Mbivilianĩ itonya kũũtethya:
Nda 1:6-20—O na kau Ndanieli na anyanyae make atatũ maĩ o anake ma mũika, nĩmoonanisye kana maĩ aimu kĩ-veva na nĩmalũmanĩtye na Ngai vyũ
Mek 16:1-5—Ĩvindanĩ yĩla Timotheo ũtonya kwĩthĩwa aĩ na myaka ta 20 yathi mũno, nĩwanengiwe ianda ngito kĩkundinĩ
Kwĩthĩwa na atindanyʼa aseo kĩkundinĩ kũtonya kũtũtethya ata?
Nĩ maũndũ ta meva matonya kwonanyʼa twĩ aimu kĩ-veva?
Nĩkĩ aũme Aklĩsto ala aimu kĩ-veva maĩlĩte kwĩthĩwa meyũmbanĩtye kwĩtĩkĩla kũnengwa ianda mbingangĩ kĩkundinĩ?
Nĩ kwa nzĩa yĩva yoka tũtonya kwĩthĩwa twĩ aimu kĩ-veva na twĩ na ũtũĩka wa kũtavanyʼa na kũmanyĩsya?
Luk 21:14, 15; 1Ko 2:6, 10-13
O na ĩngĩ sisya Luk 11:13
Ngewa syĩ Mbivilianĩ itonya kũũtethya:
Mt 10:19, 20—Yesũ nĩwaĩkĩĩthisye aatĩĩi make kana veva mũtheu ũkamatetheesya mamanye ũndũ matonya kumya ũkũsĩ yĩla meũtetea mũĩkĩĩo woo