Ivathũkanyʼo sya Ilasi
Yo mbaĩ ya mũndũ, mũsyĩ ũla umĩte, kana mbesa, no itume Ngai amwona e wa vata kwĩ andũ ala angĩ?
Mek 17:26, 27; Alo 3:23-27; Aka 2:6; 3:28
Ngewa yĩ Mbivilianĩ ĩtonya kũũtethya:
Yoa 8:31-40—Ayuti amwe meeyandatũaa mayasya kana mo nĩ ũsyao wa Avalaamu, ĩndĩ Yesũ nĩwamalũngile nũndũ meko moo mayailye ta ma Avalaamu
Nĩtwaĩle kũsũanĩa kana twĩ ma vata kwĩ angĩ nũndũ wa mbaĩ kana nthĩ ĩla maumĩte?
Ngewa syĩ Mbivilianĩ itonya kũũtethya:
Yona 4:1-11—Yeova nĩwamũmanyĩisye mwathani Yona e na wũmĩĩsyo nĩ kana ewʼĩe andũ ma Nineva tei o na kau maĩ ma nthĩ ĩngĩ
Mek 10:1-8, 24-29, 34, 35—Mũtũmwa Vetelo nĩweemanyĩisye kana ndaaĩlĩte kwona andũ ma mbaĩ ingĩ me avuku, na kwoou nĩwatetheeisye Kolinelio na andũ ma mũsyĩ wake matwʼĩka Aklĩsto ma mbee katĩ wa andũ ma mbaĩ ingĩ ala mataĩ aĩke
Mo Aklĩsto ala athwii nĩmaĩlĩte kwonaa me ma vata kwĩ andũ ala angĩ, kana kwenda makuawe kwa nzĩa ya mwanya?
O na ĩngĩ sisya Kũt 8:12-14; Yel 9:23, 24
Mũndũ nĩwaĩlĩte kwĩyona e wa vata kwĩ andũ ala angĩ na aimakua naĩ atĩ nũndũ e na kĩanda kya mwanya?
Ngewa syĩ Mbivilianĩ itonya kũũtethya:
Kũt 17:18-20—Yeova nĩwakanisye asumbĩ ma Isilaeli maikasũanĩe kana mo nĩ ma vata kwĩ Aisilaeli ala angĩ nũndũ mbee wa Ngai maĩ ana-a-inyia moo
Mko 10:35-45—Yesũ nĩwalũngile amanyĩwʼa make nũndũ nĩmendaa mũno kwĩthĩwa na ũkũmũ
Nĩ kyaũ kyonanasya kana mũndũ nĩwĩtĩkĩlĩtwe nĩ Ngai?
Mo Aklĩsto nĩmaĩlĩte kũkwata mbau maandamano meũleana na mĩao mĩna ya silikalĩ?
Ngewa yĩ Mbivilianĩ ĩtonya kũũtethya:
Yoa 6:14, 15—O na kau andũ nĩmendaa Yesũ amaminĩe mathĩna ala maĩ namo, Yesũ nĩwaleile kũtwʼĩkĩthwʼa mũsumbĩ