Nĩkĩ Waĩle Kũthiana Ndĩni Yaku?

Twasye ũwaĩte ũwau mũthũku ũtonya kũkũaa na nĩ kana ũvoe no nginya ũthĩnzwe. Waĩlĩte kũmũĩkĩĩa vyũ ndakĩtalĩ ũla ũkũũthĩnza nĩkwĩthĩwa thayũ waku wĩĩthĩwa wĩ mokonĩ make. Nĩ kana ũmũĩkĩĩe-ĩ, tyo ũndũ wa ũĩ ũkenda kũmanya ũndũ wĩanyʼa ũmanyi wa kũthĩnza andũ?

O ta ũu, nĩ ũndũ wa ũĩ kũthiana ndĩni nesa. Ethĩwa wĩ ndĩni ĩla ũendaa, thayũ waku wa ĩvinda yũkĩte wĩ mokonĩ ma ndĩni ĩsu, nĩkwĩthĩwa nĩyo wĩkwatĩtye ĩkũĩthye kĩ-veva.

Yesũ nĩwawetie nzĩa ĩtonya kũtũtetheesya kũthiana ndĩni nesa. Aisye: “Kĩla mũtĩ nũmanyĩkaa nĩ ũsyao wawʼo.” (Luka 6:44) Kwa ngelekanyʼo, ĩla wasisya ndĩni imwe, wonaa syĩ na mosyao mailyĩ ata? Atongoi masyo nĩmethĩawa mendete mbesa mũno? Athaithi masyo nĩmaatĩĩaa myolooto ya Mbivilia maũndũnĩ makonetye kaũ na mwĩkalĩle? Na ĩndĩ mũthya, yo ve ndĩni tũtonya kũĩkĩĩa? Twĩũthuthya wĩmanyĩsye ilungu ii iatĩĩe.